|
 Bakıdakı
276 nömrəli orta məktəbdə 20 Yanvar faciəsinə
həsr olunmuş tədbir keçirildi. Tədbiri giriş
sözü ilə açan məktəbin direktoru Bəhram Şiriyev
bildirdi ki, bu gün 20 Yanvar faciəsindən 21
il keçir. Ona görə də bura Azərbaycan
şəhidlərinin xatirəsini yad etmək üçün
yığışmışıq. Məktəbimizin şagirdləri bu qanlı
faciəni görməyiblər, biz yaşlı insanlar isə bu
hadisələri gözlərimizlə görmüşük və o günləri
yaşamışıq.
Bildirildi
ki, vaxt keçəcək, zaman dəyişəcək, bu deyilənlər
böyük bir tarixə çevriləcək, ancaq Azərbaycan
şəhidləri heç zaman unudulmayacaqlar.
Bu gün
müəllimlərimiz fəxr edirlər ki, onların dərs
dedikləri şagirdlər Azərbaycanın müstəqilliyi
və torpaqlarımızın müdafiəsi uğrunda mərdliklə
vuruşaraq şəhid olublar. Şəhidlik zirvəsinə
ucalan qəhrəmanlar isə heç vaxt ölmürlər, onlar
həmişə ürəklərdə yaşayırlar.
 Tədbirdə
müəllimlərdən Yusif Qazıyev, Nüşabə İbrahimova,
məktəb üzrə VMA-nın sədri Qəmzə Yusifova və
digər çıxış edənlər də 1990-cı ilin qanlı
Yanvar hadisələrindən söz açdılar və o vaxtkı
sovet rəhbərlərinin törətdiyi bu qanlı cinayət
aksiyasının xalqımızın milli azadlıq hərəkatını
boğmağa, ərazi bütövlüyümüzün qorunması naminə
haqq səsimizi susdurmağa çalışan antihumanist
siyasətinin acı nəticəsi olduğunu qeyd etdilər.
Şagirdlər
şəhidlərə həsr olunmuş şeirlər söylədilər,
kompozisiya nümayiş etdirdilər. Sonra tədbir
iştirakçıları Şəhidlər xiyabanına gedərək
şəhidlərin məzarı önünə gül dəstələri qoydular.
Şakir CƏFƏROV |
