|
Ötən ilin sonlarında Rusiya Federasiyasının
İctimai palatasında Ümumrusiya "Məktəb direktoru
- 2010" müsabiqəsinin qalibi elan olunub.
Qalib İjevski şəhər 97 nömrəli məktəbin rəhbəri
Axtam Çuqalayev olub.
Müsabiqə
sınaqları prosesində mürəkkəb idarəetmə
məsələlərinin həllinə orijinal yanaşmaya görə o,
öz tədris müəssisəsi üçün kompüter avadanlığı və
200 min rubl alıb.
Təhsil
müəssisələrinin rəhbərləri üçün Ümumrusiya
müsabiqəsi ilk dəfə keçirilib. Müsabiqə 2010-cu
ilin yanvarında start götürüb və iki mərhələdən
ibarət olub. İlk (qiyabi) mərhələ çərçivəsində
direktorlar təşkilat komitəsinin ünvanına məktəb
problemləri və onların həlli yollarını təsvir
edən esselərini göndəriblər. Rusiyanın 81
regionunu təmsil edən 667 müəllif müsabiqəyə
buraxılıb, onlardan 10-u ikinci mərhələyə vəsiqə
qazanıb. Finalçılar Moskvaya dəvət olunaraq
orada mübarizə aparıblar.
Müsabiqədə
ikinci yeri Yekaterinburqun 210 nömrəli
"Korifey" gimnaziyasının rəhbəri Aleksey
Babetov, üçüncü yeri isə Sankt-Peterburqdakı 279
nömrəli məktəbin direktoru Anna Menşikova
tutmuşlar.
"Uçitelskaya qazeta"dan
hazırladı: Yusif ƏLİYEV |
