|
 Azərbaycan
Respublikasının Təhsil Nazirliyi insan hüquqları
üzrə müvəkkili (ombudsman) ilə birgə "Uşaq
hüquqları üzrə pilləli tədris"lə bağlı Bakıdakı
5,31, 207 nömrəli orta məktəblərdə layihə həyata
keçirmişdir. Layihənin uğurla həyata
keçirilməsinin nəticəsi olaraq bu günlərdə
Bakıdakı 5 nömrəli orta məktəbə də Təhsil
Nazirliyi tərəfindən 11 kompüter hədiyyə
edilmişdir. Bununla əlaqədar Azərbaycan
Respublikasının insan hüquqları üzrə müvəkkili
(ombudsman) Elmira Süleymanova məktəbdə olaraq
həmin kompüterlərin quraşdırıldığı otağa baxmış,
şagirdlərlə görüşmüşdür. Burada "Qoy uşaqlar
xoşbəxt olsun!" adlı təqdimat keçirilmişdir.
E.Süleymanova çıxış edərək şagirdlərə öz
məsləhət və tövsiyələrini vermiş, onları
maraqlandıran sualları cavablandırmışdır.
BŞTİ-nin
nümayəndəsi Yaqut Məmmədova, məktəbin direktoru
Nərminə Gündüzlü və digər çıxış edənlər də
layihənin əhəmiyyətindən danışmış, bütün bu
işlərə görə ombudsman aparatına və Təhsil
Nazirliyinə öz təşəkkürlərini bildirmişlər.
Sonda
şagirdlərdən Aydan Fətullayeva, Sevinc Əsədova
çıxış edərək bildirmişlər ki, həyata
keçirilən layihənin nəticəsində öz hüquqlarını
dərindən öyrənmiş və öyrəndikləri cəmiyyətə
yararlı vətəndaş kimi yetişmələrində onlara
yardımçı olacaq.
Şakir CƏFƏROV |
