|
 Qəbələdə
keçirilən YAP Gənclər Birliyinin III
konfransında iştirak edən Azərbaycan
Respublikasının təhsil naziri Misir Mərdanov
yanvarın 29-da Qəbələ şəhər 2 nömrəli orta
məktəbdə olub. Nazirlə birlikdə YAP sədrinin
müavini-icra katibi Əli Əhmədov, Prezident
Administrasiyasının ictimai-siyasi məsələlər
şöbəsinin müdiri Əli Həsənov, Milli Məclisin
sədr müavini Bahar Muradova, millət vəkilləri
Fəttah Heydərov, Mübariz Qurbanlı, Eldar
İbrahimov, təhsil nazirinin müavini Elmar
Qasımov, Qəbələ Rayon İcra Hakimiyyətinin
başçısı Səbuhi Abdullayev və digər qonaqlar da
məktəbə baş çəkiblər.
Məktəbin
həyətində naziri və onunla gəlmiş qonaqları
şagird və müəllimlər gül dəstəsi ilə
qarşılayıblar. Məktəbin kollektivini səmimi
salamlayan nazir Qəbələdə olmasından, məktəbin
müəllim və şagirdləri ilə görüşməsindən
məmnunluq duyduğunu bildirib.
Sonra nazir və
qonaqlar məktəblə tanış olub, sinif otaqlarında
tədris prosesini müşahidə ediblər.
IV "a"
sinfində Könül Seyidovanın, III "b" sinfində
Zümrüd Hüseynovanın dərslərində iştirak edən
nazir fənn kurikulumlarının tətbiq edildiyi III
"b" sinfində müəllimin bu sahədə peşəkarlığı ilə
bağlı söhbət aparıb, şagird və müəllimlərin
dərsliklər, iş dəftərləri, metodik vəsaitlərlə
təmin olunmaları, məktəbli formasının tətbiqi
ilə maraqlanıb, gördüklərindən razı qaldığını
bildirib.
 Daha
sonra nazir və qonaqlar məktəbin idman və akt
zallarına, kitabxanasına da baş çəkib,
kitabxananın fondundakı dərslik, bədii və
ensiklopedik ədəbiyyatlarla tanış olublar.
Məktəbin direktoru Ziynət Babayeva tədris
ocağında şagird kontingenti və sinif
komplektləri, yaradılmış təhsil mühiti, İKT ilə
təminatın vəziyyəti, valideynlərlə iş, məktəbin
uğurları və s. haqqında nazirə məlumat verib.
Bildirib ki, ötən il məktəbin 30 məzunundan 18-i
ali, 8 nəfəri isə orta ixtisas məktəblərinə
qəbul olunub, 1 nəfər 600-dən çox bal toplayıb.
2010-cu tədris ilində ibtidai sinif müəllimi
Yeganə Cəfərova "Əməkdar müəllim" fəxri adına
layiq görülüb.
Direktor
naziri və qonaqları əmin edib ki, ulu öndər
Heydər Əliyevin sərəncamı ilə 1999-cu ildə
təsdiq olunmuş Azərbaycan Respublikasının təhsil
sahəsində İslahat Proqramında qarşıya qoyulan
müddəaların həyata keçirilməsinə, təhsilin
keyfiyyətinin yüksəlməsinə məktəbin kollektivi
bundan sonra da öz dəyərli töhfələrini
verəcəkdir.
Təhsil naziri
Misir Mərdanov məktəbə kompüter dəsti və sinif
komplektlərinin sayına müvafiq xaricdə istehsal
olunmuş yazı lövhələri, YAP sədrinin
müavini-icra katibi Əli Əhmədov isə 1 kompüter
dəsti hədiyyə etdiklərini bildiriblər.
Görüş zamanı
nazir məktəb rəhbərliyinə və müəllimlərə bəzi
tapşırıq və tövsiyələrini verib.
Görüşün
sonunda nazir və qonaqlar məktəbin kollektivi
ilə xatirə şəkli çəkdiriblər.
"Azərbaycan müəllimi" |
