|
Bakı
şəhərindəki F.Gözəlov adına 124 nömrəli orta
məktəbdə 2 fevral - Gənclər günü qeyd edildi.
Məktəbin tarix müəllimi Zülfiyyə Niftalıyevanın
rəhbərliyi ilə X "b" sinif şagirdləri
ədəbi-bədii kompozisiya nümayiş etdirdilər.
Tədbiri giriş sözü ilə açan Z.Niftalıyeva
sabahın layiqli vətəndaşlarının məhz məktəb
illərindən formalaşmağa başladığı nəzərə
alınaraq yuxarı sinif şagirdləri ilə tez-tez
müxtəlif mövzularda tərbiyəvi tədbirlərin
keçirilməsinin vacibliyini qeyd etdi.
Bir-birindən
rəngarəng səhnəciklər, rəqs, musiqi nömrələri
ilə zəngin bədii proqramı şagirdlər məharətlə
təqdim etdilər. Ölkəmizdə elmə, biliyə marağın
olmadığı dövrdə görkəmli şairimiz M.Ə.Sabirin
qələmə aldığı "Oxutmuram, əl çəkin", "Vah! Bu
imiş dərsi üsuli-cədid?" şeirləri əsasında
hazırlanmış, dərsdən yayınan şagirdlərə
ünvanlanmış, müxtəlif epidemiyaların, xüsusilə
QİÇS-ə yoluxmanın, narkomaniya, cinayətkarlıq və
terrorizmin dünyada geniş miqyas aldığı müasir
dövrdə uşaq, yeniyetmə və gəncləri bu kimi
eybəcərliklərdən uzaq olmağa səsləyən
səhnəciklər tədbir iştirakçıları tərəfindən
maraqla qarşılandı. X "b" sinif şagirdlərindən
Günel, Teymur, Altun, Vəfa, Fatimə, Elnur, Əsəd
və Ələmdarın, XI "a" sinif şagirdi Nurlanın
çıxışlarını məktəblilər alqışlarla qarşıladılar.
Məktəbin
məzunu, çoxsaylı yumoristik səhnəciklərin
müəllifi Babək Fərmanlının tədbir üçün təqdim
etdiyi, şagirdlərdən Azad və Zahidin ifasında
səsləndirilən meyxana deyişməsindəki fikirlər
dinləyənləri həm güldürdü, həm də düşündürdü.
Milli
Qəhrəmanlarımızdan Çingiz Mustafayev, Mübariz
İbrahimov yad edildi. Şagirdlər əsası ümummilli
liderimiz Heydər Əliyev tərəfindən qoyulan və
dövlət başçısı İlham Əliyev tərəfindən uğurla
davam etdirilən gənclər siyasətini
bəyəndiklərini və dəstəklədiklərini bildirdilər,
vətənə layiqli övladlar olacaqlarına söz
verdilər.
Tədbirdə çıxış
edən məktəbin direktoru Sevda Abdullayeva
gəncləri təbrik etdi, onlara öz məsləhət və
tövsiyələrini verdi.
Arizə MAHMUDOVA,
Bakıdakı 124 nömrəli orta məktəbin direktor
müavini |
|
