|
Azərbaycan
Respublikası Dövlət Neft Şirkətinin Sosial
İnkişaf İdarəsinin nəzdində fəaliyyət göstərən
sosial qurumlar neftçilərə və onların ailə
üzvlərinə yüksək səviyyəli xidmət göstərməklə
yanaşı, dövlət əhəmiyyətli sosial layihələrin
icrasında da yaxından iştirak edirlər.
Şirkətin
mətbuat xidmətindən AzərTAc-a bildirmişlər ki,
Sosial İnkişaf İdarəsi ölkəmizdə təhsilin
inkişafını da daim diqqət mərkəzində saxlayır.
İdarə tərəfindən 2010-cu ildə təhsil
müəssisələrinin tikintisi və əsaslı təmiri ilə
bağlı bir sıra layihələr həyata keçirilmişdir.
Belə ki, Qusar şəhərində 340 yerlik və Astara
rayonunun Kakalos kəndində 624 yerlik orta
məktəb binaları inşa olunmuş, yüksək səviyyədə
təchiz edilərək, qapılarını gənc nəslin üzünə
açmışdır. Ötən il, həmçinin Lerik şəhərində
Milli Qəhrəman Valeh Müslümovun adını daşıyan 2
nömrəli orta məktəbdə və Xəzər rayonunun Şüvəlan
qəsəbəsində 16 nömrəli xüsusi internat-məktəbdə
əsaslı təmir işləri ARDNŞ-ın bu idarəsi
tərəfindən həyata keçirilmişdir. Azərbaycan
Dövlət Neft Akademiyasının binasında dəhliz və
auditoriyaların, akt zalının, Heydər Əliyev
muzeyinin əsaslı təmiri vaxtında və yüksək
keyfiyyətlə başa çatdırılmışdır.
İdarənin
sifarişi əsasında cari ildə də bir neçə orta
ümumtəhsil məktəbinin tikintisi və əsaslı təmiri
nəzərdə tutulmuşdur. |
