|
Yanvarın 26-da
Qafqaz Universitetində "Elektrik və Elektronika
Mühəndisləri İnstitutu (İEEE) üzvü olmağın fayda
və imkanları" mövzusunda seminar keçirildi.
Seminar iştirakçıları öncə Qafqaz
Universitetinin fəaliyyətindən, burada təhsil
almağın üstünlüyündən, yaradılmış şəraitdən,
təhsil ocağının iş dünyası ilə əlaqələrindən
bəhs edən filmə baxdılar.
Universitetin
rektoru, professor Ahmet Saniç iştirakçıları
salamladıqdan sonra seminarın tanıtma məqsədi
daşıdığını, bu nüfuzlu təşkilata daxil olmağın
hər kəs üçün əhəmiyyət kəsb etdiyini bildirdi,
onun üzvləri qarşısında açdığı imkanlardan
danışdı. Bildirdi ki, bu elmi təşkilat öz
üzvlərinin mühəndislik və texnologiya
dünyasındakı mükəmməlliklə birgə olmasını, eyni
sahədə çalışan yerli və beynəlxalq
mütəxəssislərlə sıx təmas qurmasını, öz elmi
səviyyəsini artırmasını təmin edir.
Seminarda
Qafqaz Universitetinin kompüter mühəndisliyi
bölməsinin müdiri doktor Abzetdin Adamov İEEE
haqqında təqdimat etdi. Verilən məlumatdan aydın
oldu ki, 1884-cü ildə əsası qoyulmuş İEEE
(Elektrik və Elektronika Mühəndisləri İnstitutu)
dünyanın bəşəriyyətə faydalı ən böyük
professional müasir texnologiya birliyidir.
Dünyanın bir sıra tanınmış alimləri, mühəndis və
texnoloqları, ixtiraçıları bu qurumun üzvü
olmuşlar. Hazırda dünyanın 170 ölkəsində
fəaliyyət göstərən İEEE öz sıralarında 400.000
üzvü birləşdirir. O, üzvlərinin peşə maraqlarını
dəstəkləyir, texniki jurnal dərc edir,
konfranslara sponsorluq köməyi göstərir,
texnoloji standartlar hazırlayır.
Qurumun
məqsədləri, fəaliyyət istiqamətləri haqqında da
geniş açıqlama verən A.Adamov onun texnoloji
yeniliklərə təkan verdiyini, təhsil
resurslarını, karyera sahəsində rəhbərliyi təmin
etdiyini, texniki və sosial xarakterli yerli
fəaliyyətləri həyata keçirdiyini diqqətə
çatdırdı.
Y.ƏLİYEV |
|
