|
 Naxçıvan
Dövlət Universiteti ilə Azərbaycan Dillər
Universiteti arasında ilk virtual dərs
keçirilmişdir.
Naxçıvan
Dövlət Universitetinin rektoru, akademik İsa
Həbibbəyli çıxış edərək universitetdə müasir
informasiya-kommunikasiya texnologiyalarının
uğurlu tətbiqindən, dünyanın bir çox məşhur
universitetləri ilə videokonfransların
təşkilindən danışdı. Qeyd olundu ki, "Polycom HD
8000" markalı ən müasir internet-konfrans
kamerasının quraşdırılması universitetin virtual
əlaqələrinin inkişafı, videobağlantıların
qurulması, müştərək videodərslərin keçirilməsi
üçün daha geniş imkanlar açmışdır. Rektor bu ali
məktəbin Azərbaycan Dillər Universiteti ilə
geniş əlaqələrindən, Avropa Birliyi ölkələrinin
TEMPUS proqramı çərçivəsində "Azərbaycanda
şifahi və yazılı tərcümənin tədrisi sahəsində
islahatlar" adlı layihənin icraçıları kimi
birgə fəaliyyət göstərmələrindən danışdı, xarici
dillərin tədrisinin təkmilləşdirilməsi sahəsində
elmi-pedaqoci təcrübənin öyrənilməsinin
əhəmiyyətindən bəhs etdi.
Azərbaycan
Dillər Universitetinin tədris işləri üzrə
rrorektoru, rrofessor Natiq Üusifov həmkarlarını
salamlayaraq universitetlərarası tərəfdaşlıqda
videodərslərin, videokonfransların
keçirilməsinin rolundan söz açdı, təmsil etdiyi
ali məktəbdə xarici dillərin tədrisi ilə bağlı
keçiriləcək növbəti konfranslardan birində bölmə
iclasının virtual olaraq Naxçıvan Dövlət
Universitetində keçirilməsi təklifi ilə çıxış
etdi. Professor alman dilinin Avropadakı geniş
coğrafiyasını, statusunu nəzərə alaraq ilk
virtual dərsin bu dilin mənimsənilməsinə həsr
olunduğunu qeyd etdi. Sonra dərs başladı.
Azərbaycan Dillər Universitetinin Alman dilinin
leksikologiyası və üslubiyyəti kafedrasının baş
müəllimi Rəşidə Hacıyevanın alman dilində
apardığı məşğələ hər iki auditoriya tərəfindən
maraqla qarşılandı. Dərs diskussiya şəklində
keçdi.
Mehriban SULTAN,
NDU-nun Mətbuat şöbəsinin müdiri |
|
