|
 Bu
il fevralın 26-27-də Fövqəladə Hallar
Nazirliyinin Qəbələ rayonu üzrə Regional
Mərkəzində "Təhsildə fəlakət riskinin
azaldılması" (DİPECHO) layihəsi çərçivəsində
təlimlər keçirilmişdir.
Təhsil
Nazirliyindən AzərTAc-a bildirmişlər ki,
YUNİSEF, Təhsil və Fövqəladə Hallar
nazirliklərinin birgə reallaşdırdığı müvafiq
layihə üzrə keçirilmiş təlimlərdə Qəbələ, Şəki,
Zaqatala məktəblərindən seçilmiş müəllimlər
iştirak etmişlər.
Təlimlərin
məqsədi "Təhsildə fəlakət riskinin azaldılması"
layihəsi çərçivəsində seçilmiş pilot
məktəblərinin müəllimlərinə baş vermiş təbii
fəlakətlər, qəzalar, müxtəlif fövqəladə
vəziyyətlər zamanı riskli vəziyyətdən çıxış
yollarını tapmaq, eyni zamanda fəlakət riskinin
azaldılması üzrə bilik və bacarıqların
artırılması üçün xilasetmə, eləcə də
təhlükəsizlik avadanlıqlarından istifadə
qaydalarının öyrədilməsindən ibarət olmuşdur.
Təlimin
sonunda iştirakçılara təbii fəlakətlər riskinin
azaldılması problemi üzrə müəllimlər üçün
metodiki vəsait və CD disklər paylanmışdır.
Təlimlərdə
Təhsil və Fövqəladə Hallar nazirliklərinin
əməkdaşları, YUNİSEF-in nümayəndələri iştirak
etmişlər. |
