|
Volqoqrad
vilayətinin Voljski şəhərində Rusiyada ilk Uşaq
Universiteti açılıb. Burada 8-dən 12 yaşınadək
uşaqlar təhsil ala bilər. Yeniyetmə tələbələrə
mühazirələri Voljski Humanitar İnstitutunun
müəllimləri oxuyacaqlar. Universitet öz
qapılarını ən kiçik tələbələrə "Elm təkcə
mürəkkəb deyil, həm də çox maraqlıdır" devizi
altında açıb. Hələlik məşğələlər ayda bir dəfə,
oyun formasında və hərəsi 30 dəqiqədən çox
olmamaqla keçiriləcək.
Layihənin
müəllifi hüquq elmləri doktoru, Voljski
Humanitar İnstitutunun elmi işlər üzrə direktor
müavini Valeri Alekseyeviç Letyayevdir. Onun
sözlərinə görə, universitetə maraq böyükdür.
Nəticədə qürur doğuran tələbə adını 180 kiçik
voljskili daşıyacaq.
"Uçitelskaya qazeta"dan
hazırladı: Yusif ƏLİYEV |
