|
 Bakı
Dövlət Universitetinin yeməkxanasında Azad
Tələbə Həmkarlar İttifaqı Komitəsinin
təşkilatçılığı ilə ənənəvi Novruz şənliyi
keçirildi. BDU-nun rektoru, akademik Abel
Məhərrəmov tədbir iştirakçılarını və xalqımızı
bu gözəl bayram münasibətilə təbrik etdi. Bahar
bayramını birlik, həmrəylik, qardaşlıq rəmzi
kimi xarakterizə edən rektor, onun tarixi
əhəmiyyətindən bəhs etdi.
Prezident İlham Əliyevin rəhbərliyi altında
ölkəmizin gündən-günə inkişaf etdiyini söyləyən
rektor, Azərbaycanın reytinqinin ilbəil
artdığından, dünya dövlətlərinin, beynəlxalq
təşkilatların bütün sahələrdə gənc dövlətimizlə
hesablaşdığından da danışdı. Bildirdi ki,
tələbələr daha yaxşı oxumalı, Azərbaycanın
bayrağını daha da yüksəklərə qaldırmalıdırlar.
Sonra 17 fakültənin hər birinin böyük zövqlə
ərsəyə gətirdiyi Novruz səhnəsinə baxış
keçirildi. Fakültə dekanları və tələbələr
hazırladıqları səhnələr haqqında məlumat
verdilər. Onların hər birinin işi ilə
ayrı-ayrılıqda tanış olan rektor bayramlarını
təbrik etdi, xoş günlər arzuladı. Sonda
münsiflər heyətinin qərarına uyğun olaraq
qaliblər müəyyənləşdi.
Beləliklə, birinci yerə jurnalistika, ikinci
yerə digər 16 fakültə layiq görüldü. Fakültələrə
pul mükafatı təqdim edildi. Qeyd edək ki,
jurnalistika fakültəsi ötən il də birinci yeri
tutmuşdu.
Tədbir konsert proqramı ilə başa çatdı.
BDU-nun Mətbuat
və informasiya şöbəsi |
