|
Azərbaycan Müəllimlər İnstitutu Sumqayıt
filialının təşkilatçılığı ilə filialın
dislokasiyasında olan Siyəzən rayonunun 6
nömrəli məktəbində "Pedaqoji kadrların
ixtisasının artırılması günün başlıca tələbidir"
mövzusunda seminar keçirildi. Konfransda Təhsil
Nazirliyinin baş məsləhətçisi M.Əhmədov,
Azərbaycan Müəllimlər İnstitutunun prorektoru
R.Əzizov və Sumqayıt filialının əlavə təhsil
üzrə əməkdaşları iştirak edirdilər.
Konfransı giriş sözü ilə Siyəzən Rayon Təhsil
Şöbəsinin müdiri R.Hacıyev açaraq rayon təhsil
işçilərinin ixtisasartırma təhsilinin səmərəli
təşkili üçün belə tədbirlərin xüsusi əhəmiyyət
kəsb etdiyini söylədi.
İxtisasartırma təhsilində mövcud vəziyyət və
problemlər mövzusunda çıxış edən M.Əhmədov
Azərbaycanın təhsil sistemində ixtisasartırma və
təkmilləşmə təhsil mərhələsinin səmərəli təşkili
ilə bağlı mövcud vəziyyət və qarşıda duran
problemlərdən, onların həlli yollarından
danışdı.
Azərbaycan Müəllimlər İnstitutunun prorektoru
R.Əzizov ümumtəhsil müəssisələri və orada
fəaliyyət göstərən dayaq məntəqələrində
məşğələlərin təşkili mexanizmindən söz açdı.
Qeyd etdi ki, dayaq məntəqələrində məşğələlərin
təşkili üçün fəaliyyətdə olan mexanizmlərin
yeniləşməsi və müasirləşdirilməsinə ehtiyac
vardır. Bunun üçün dayaq məntəqə rəhbərləri və
müəllimlərin rəy və təkliflərinin öyrənilməsi
vacibdir.
AMİ-nin Strateji araşdırmalar mərkəzinin
metodisti Z.Vəliyeva əlavə təhsil sistemində
göstərilən metodiki xidmətin təşkili vəziyyəti
və onun yaxşılaşdırılması üçün görülən
tədbirlərdən danışdı. Qeyd etdi ki, metodiki
yardım göstərmək məqsədilə ayrı-ayrı filiallarda
olmuş və tövsiyələrini vermişdir.
Siyəzən Rayon Təhsil Şöbəsinin metodkabinet
müdiri Əminə Hacıyeva rayonun ümumtəhsil
məktəbləri müəllimlərinin ixtisasartırma
kurslarında olmaları barədə məlumat verdi, bu
məsələ ilə bağlı Sumqayıt filialının əlavə
təhsil şöbəsində müasir tələblər səviyyəsində
görülən işlərdən danışdı.
AMİ-nin Sumqayıt filialının əməkdaşı H.İbrahimov
filialda əlavə təhsilin təşkili və Sumqayıt,
Xızı, Siyəzən, Abşeron və Qubadlı rayon təhsil
şöbələri ilə bu istiqamətdə aparılan məqsədyönlü
işlərdən danışdı. Seminarda digər çıxış edənlər
müəllimlərin əlavə təhsilinin təşkilində
səmərəliliyin daha da artırılmasından söz
açdılar.
M.İSMAYILZADƏ,
AMİ-nin Sumqayıt filialının metodisti |
