|
Bakıdakı 258 nömrəli orta məktəbdə "Kurikulum
fidanları" adlı tədbir keçirildi. İştirakçılar
məktəbin foyesində I, II, III sinif
şagirdlərinin hazırladıqları "Kurikulum bizə nə
verdi" stendi və əl işləri ilə tanış oldular.
 Sonra
ibtidai siniflər üzrə direktor müavini Aynur
Kazımova kurikulumla keçilən dərslərin
şagirdlər üçün daha maraqlı və düşündürücü
olmasından danışdı. Bildirdi ki, dərslərdə
şagirdlərlə bərabər müəllimlərin də müasir
texnologiyalardan geniş istifadə etməsi müsbət
haldır.
Tədbirdə I "c" sinfi Dövlət bayrağı və himni, I
"a" sinfi Ana dili, I "d" sinfi Göy qurşağı,
II "ç" sinfi Azərbaycan musiqisi və II "c"
sinif şagirdləri Novruz bayramı haqqında
iştirakçılara geniş və dolğun məlumat verdilər.
Onlar vətənpərvərliyə aid şeirlər və
mahnılar oxudular.
I "b" sinfinin şagirdləri isə Azərbaycan
dövlətinin qurucusu, ümummilli liderimiz Heydər
Əliyevdən söz açdılar. Onlar ulu öndərin
uşaqlara və gənc nəslə göstərdiyi diqqətdən
danışdılar.
Məktəbin II "c" sinif şagirdi Təranə Məmmədova
Vətənə aid söylədiyi şeirlərlə tədbir
iştirakçılarının diqqətini cəlb etdi.
Tədbirin sonunda məktəbin direktoru Sədaqət
Hüseynova, BŞTİ Metodik Mərkəzinin direktor
müavini Sitarə Məmmədova tədbiri təşkil edən
şagird və pedaqoji kollektivə
minnətdarlıqlarını bildirdilər.
Sonda şagirdlərin ifasında tədbirə aid
ədəbi-bədii kompozisiya göstərildi.
RƏŞAD |
