|
 Bakı
Dövlət Universitetinin rektoru, akademik Abel
Məhərrəmov Latviyanın Azərbaycandakı fövqəladə
və səlahiyyətli səfiri Hardis Baumanisi qəbul
edib. BDU-nun yaranma və inkişaf tarixindən,
beynəlxalq əlaqələrindən bəhs edən rektor
Latviyanın ali təhsil ocaqları ilə əməkdaşlığa
xüsusi önəm verməsindən, universitetlərin daha
sıx və səmərəli fəaliyyət göstərmələri üçün
birgə proqram və layihələrdən, tələbə-müəllim
mübadiləsinin mümkünlüyündən danışıb.
Latviyanın müstəqillik qazandığı vaxt
Azərbaycanın ilk olaraq Latviya xalqını bu
münasibətlə təbrik etdiyini xatırladan səfir
Hardis Baumanisi Azərbaycan və Latviya
dövlətləri arasında sıx əlaqələrin olduğunu
bildirib. Latviya Dövlət Universitetinin BDU ilə
oxşar tarixinin olduğunu, onun da 1919-cu ildə
yarandığını bildirən səfir Azərbaycan
universitetləri, xüsusən Bakı Dövlət
Universiteti ilə əməkdaşlıqda maraqlı
olduqlarını qeyd edib. BDU-da bir sıra
mərkəzlərin olduğunu xatırladan rektor Abel
Məhərrəmov gələcəkdə Baltik Mərkəzinin də
açılacağını diqqətə çatdırıb.
Qeyd edək ki, bu ilin sentyabr-oktyabr aylarında
Latviya Dövlət Universitetinin rektoru Martsis
Auzenişin BDU-ya səfəri olacaq. Səfər zamanı
iki universitet arasında anlaşma protokolu
imzalanacaq.
Qarşılıqlı maraq kəsb edən digər məsələlərin də
müzakirə edildiyi görüş qonağın universitetlə
tanış olaraq yüksək təəssüratla ayrılması ilə
başa çatıb.
BDU-nun Mətbuat və informasiya şöbəsi |
