|
Bakının Qaradağ rayonundakı 273 nömrəli orta
məktəbdə pedaqogika üzrə fəlsəfə doktoru, "Araz"
ali ədəbi mükafatı laureatı Şamxəlil Məmmədovun
"Yaradan nurundan payı olanlar" kitabının (Bakı:
"Təhsil" EİM, NPM, 2011, 134 s.) təqdimat
mərasimi keçirilmişdir.
Respublikanın şəhər və kənd məktəblərində
çalışan 6 nəfər yaradıcı müəllim haqqında
elmi-pedaqoji üslubda yazılmış oçerklərdən
ibarət kitabın təqdimat mərasimini tədris
ocağının direktoru Z.Abdullayeva açaraq müəllifi
tədbir iştirakçılarına təqdim etmişdir. Məktəb
rəhbəri onu da vurğulamışdır ki, kitabdakı
oçerklərdən birinin tədris ocağının biologiya
müəllimi, "Tərəqqi" medalına layiq görülmüş
İzzət Seyfullayevə həsr olunması pedaqoji
kollektivi sevindirir. Müəllif Ş.Məmmədov kitab
üzərində işləməsindən, yaradıcı müəllim
təcrübəsindən, yaradıcı müəllim təcrübəsinin
pedaqoji və metodik tədqiqatlar üçün başlıca
mənbə olmasından, publisistik fəaliyyətindən
danışmışdır.
Tədbirdə Azərbaycan MEA-nın Fiziologiya
İnstitutunun aparıcı elmi işçisi Xeybər Məmmədov,
Bakıdakı 54 nömrəli məktəbin müəllimi, "Ən yaxşı
müəllim" müsabiqəsinin qalibi Sabir Novruzov,
273 nömrəli məktəbin müəllimi İzzət Seyfullayev
çıxış etmiş, kitab haqqında təəssüratlarını
bölüşmüşlər.
Elvin BABAYEV,
BDU-nun jurnalistika
fakültəsinin IV kurs tələbəsi |
|
