|
Azərbaycan Resrublikasında BMT-nin
rezident-əlaqələndiricisi, BMT-nin İnkişaf
Proqramının və BMT-nin Əhali Fondunun rezident
nümayəndəsi Fikrət Akçura Naxçıvan Muxtar
Respublikasına səfəri çərçivəsində Naxçıvan
Dövlət Universitetində də oldu. Beynəlxalq
münasibətlər və xarici dillər fakültəsində
keçirilən görüşdə rektor, akademik İsa
Həbibbəyli çıxış edərək BMT-nin dövlətlərarası
beynəlxalq təşkilat kimi fəaliyyətindən danışdı,
muxtar respublika və universitet haqqında qonağa
ətraflı məlumat verdi.
Millət vəkili Azərbaycanın 20% torpaqlarının
Ermənistan tərəfindən işğal olunduğunu, 1
milyondan artıq qaçqına malik olduğunu diqqətə
çatdıraraq, BMT-nin Dağlıq Qarabağ münaqişəsi
ilə bağlı ədalətli qərarlarının sənəd üzərində
qalaraq icra olunmadığını təəssüflə bildirdi.
Fikrət Akçura BMT-nin İnkişaf Proqramının və
BMT-nin Əhali Fondunun həyata keçirdiyi
işlərdən, Azərbaycanla bağlı nəzərdə tutulan
layihələrdən, dünyada elmin, təhsilin inkişafı
ilə bağlı perspektiv planlardan bəhs etdi.
Vurğulandı ki, Naxçıvana səfərdə məqsədi
Azərbaycanın uzun illər Ermənistan tərəfindən
mühasirədə saxlanılan bu regionu ilə yaxından
tanış olmaq, muxtar respublika ilə bağlı yeni
layihələr reallaşdırmaqdır. Görüş zamanı gələcək
tərəfdaşlıq məsələlərindən də danışıldı.
Sonra diplomat tələbələrin suallarını
cavablandırdı.
Mehriban SULTAN,
NDU-nun Mətbuat şöbəsinin müdiri |
