|
Cəbrayıl rayonu Cəmil Əhmədov adına tam orta
məktəbin birinci sinif şagirdləri mayın 4-də bir
il ərzində öyrəndikləri bilik və bacarıqlarını
müəllimlər və valideynləri qarşısında nümayiş
etdirdilər. Onların sevinc və həyəcanları
gözlərindən hiss olunurdu. Bilik bayramı
şagirdlərin Azərbaycanın Dövlət himnini oxuması
ilə başladı. Sonra direktor müavini Mina
Fətəliyeva birinciləri və onların valideynlərini
təbrik edərək bu günün onların həyatında
əlamətdar günlərdən biri olduğunu bildirdi. Daha
sonra Cəbrayıl Rayon Təhsil Şöbəsinin
məsləhətçisi Qorxmaz Abdulla təbrikə qoşularaq
birincilərə daha böyük nailiyyətlər arzuladı.
Tədbirdə valideyn-məktəb münasibətlərinin
əhəmiyyətindən danışıldı və valideynlərin bu
məsələyə ciddi yanaşmalı, övladlarının təhsili
ilə yaxından maraqlanmalı olduqları qeyd edildi.
Birincilər ana dili, ana Vətən, qəhrəmanlıq,
Qarabağ mövzularında şeirlər söylədilər. Onlar
həmçinin ölkənin tarixi, milli atributları,
coğrafi xüsusiyyətləri ilə bağlı bilgilərini də
şeirlərlə ifadə etdilər. Şagirdlər xalqımızın
Cavanşir, Babək, Şah İsmayıl, Xan qızı Natəvan,
Cavad xan kimi qəhrəman oğul və qızlarını, Milli
Qəhrəman Çingiz Mustafayevi də yada salaraq
onların yolunu davam etdirəcəklərinə söz
verdilər.
Birincilər şənlikdə riyazı biliklərini də
nümayiş etdirdilər. "Birincilər", "Əsgər marşı",
"Can Azərbaycan" mahnılarını ifa etməklə,
A.Şaiqin "Tıq-tıq xanım" əsərini
səhnələşdirməklə öz məharətlərini göstərdilər.
Gülxar ŞƏRİF,
BDU-nun jurnalistika fakültəsinin IV kurs
tələbəsi |
|
