|
Azərbaycan
gənclərinin VI Forumu ərəfəsində Mingəçevir
gənclərinin toplantısı keçirilmişdir.
Gənclər üçün
Təhsil Mərkəzindən (GTM) AzərTAc-a bildirmişlər
ki, Mingəçevir Politexnik İnstitutunda təşkil
edilən tədbirin məqsədi tələbə gənclərin
problemləri və müxtəlif sahələrdə qazandıqları
uğurlarla tanış olmaqdır. GTM-in Mingəçevir
regional ofisinin əməkdaşları da tədbirdə fəal
iştirak etmişlər.
Ofisin rəhbəri
Tural Kərimov mərkəzin 10 illik fəaliyyəti
haqqında tədbir iştirakçılarına məlumat vermiş,
gəncləri narahat edən bir sıra məsələlərdən söz
açaraq, konkret təkliflər səsləndirmişdir.
Tədbirdə
Mingəçevir Şəhər İcra Hakimiyyəti başçısının
birinci müavini İlham İsmayılov, şəhər Gənclər
və İdman İdarəsinin rəisi Ramiz Əliyev və digər
rəsmi şəxslər iştirak etmişlər. |
