|
Bakının orta
məktəblərində öz ixtisasına uyğun dərs keçməyən
müəllimlərin sayı minimuma endirilmişdir.
Bakı Şəhəri
üzrə Təhsil İdarəsinin Strateji təhlil,
planlaşdırma və kadrların idarə olunması
sektorundan AzərTAc-a bildirmişlər ki, idarə
yeni fəaliyyətə başladığı 2006-cı ildə paytaxtın
orta məktəblərində 303 qeyri-ixtisaslı fənn
müəllimi çalışırdısa, artıq onların sayı 30-a
endirilmişdir. Həmin müəllimlər Bakının ucqar
kəndlərində, əsasən, fiziki tərbiyə, gənclərin
çağırışaqədərki hazırlığı fənləri üzrə dərs
keçirlər.
Hazırda Bakı
məktəblərində qeyri-ixtisas fənn müəllimlərinin
işə qəbulu aparılmır. Əgər bir müəllim 10 ildən
çox 1 ixtisas üzrə dərs keçirsə, artıq o,
ixtisaslaşmış hesab edilir. |
|
