|
Qlobal
Məsələlər üzrə Amerika Şuraları Liderlik
Missiyasının nümayəndə heyəti Azərbaycan Dillər
Universitetində oldu. Görüş ADU-nun İnformasiya
Resurs Kompleksində (İRK) keçirildi.
 Görüşdə
ADU-nun rektoru, millət vəkili, professor Səməd
Seyidov, ADU-nun Beynəlxalq əlaqələr üzrə
prorektoru Jalə Qəribova, regionşünaslıq və
beynəlxalq münasibətlər fakültəsinin dekanı
Məcid Əliyev iştirak edirdilər. Nümayəndə
heyətinə Azərbaycanın ABŞ-ın Nyu-Mexiko
ştatındakı fəxri konsulu, Qlobal Məsələlər üzrə
Amerika Şuraları Liderlik Missiyasının (WACA)
milli idarə heyətinin Santa Fe Şurasının
direktoru Art Makafi (Art McHaffie) rəhbərlik
edirdi. Görüşdə Qlobal Məsələlər üzrə Amerika
Şuraları Liderlik Missiyasının nümayəndə
heyətinin prezidenti və baş icraçı direktoru Dr.
Lori E. Murrey, Qlobal Məsələlər üzrə Amerika
Şuraları Liderlik Missiyasının milli idarə
heyətinin direktoru Maykl Filip, İndiana
Universitetinin təqaüddə olan dosenti Viktor
Ernest Çaylderz, Qlobal Məsələlər üzrə Amerika
Şuraları dərnəyinin idarəetmə heyətinin üzvü Con
Deyli, Detroitin Qlobal Məsələlər üzrə
Şuralarının direktor köməkçisi Dellaşon LaVerne
Di Kresse, Paytaxt Region üzrə Beynəlxalq
Mərkəzin direktoru Diana Konroy Lakivita, Meynin
Qlobal Məsələlər üzrə Amerika Şuralarının fəal
üzvü və könüllüsü Kimberli A.MakLauqhlin, Prell
səhrasının (Palm Springs) qlobal məsələlər üzrə
şurasının təqaüddə olan direktoru Cerri Vit
iştirak edirdilər.
Tədbiri giriş
sözü ilə açan rektor Səməd Seyidov qonaqları
universitetdə görməkdən məmnun olduğunu
bildirdi. ADU haqqında qonaqlara məlumat verən
Səməd Seyidov, universitetdə ingilis dili ilə
yanaşı fransız, alman, italyan, ispan,
Skandinaviya, İndoneziya, Koreya, yapon və s.
dillərin tədris olunduğunu qeyd etdi, ADU-da
5000-dən çox tələbənin təhsil aldığını
qonaqların nəzərinə çatdırdı. Amerika
universitetləri ilə ADU-nun əlaqələri haqqında
danışan rektor hər il ADU-nun iki müəlliminin
İndiana Universitetində Azərbaycan dilini tədris
etdiyini qeyd etdi.
Nümayəndə
heyətinin rəhbəri, Qlobal Məsələlər üzrə Amerika
Şuraları Liderlik Missiyasının milli idarə
heyətinin Santa Fe Şurasının direktoru Art
Makafi (Art McHaffie) öz növbəsində Azərbaycan
Dillər Universitetində olmağından şad olduğunu
söylədi. O, ADU tələbələri ilə ünsiyyətdən
məmnunluğunu dilə gətirdi.
Tədbirin
sonunda qonaqlar tələbələrin suallarını
cavablandırdılar.
ADU-nun Mətbuat xidməti |
|
