|
Azərbaycanın Milli Qəhrəmanı Mübariz
İbrahimovun Biləsuvar rayonunun Əliabad
kəndində vaxtilə böyüyüb boya-başa çatdığı ev və
təhsil aldığı şəhid Malik Piriyev adına tam orta
məktəb ziyarətgaha çevrilib. Bu gün də bura-
Milli Qəhrəmanı yad etməyə gələnlərin ardı-arası
kəsilmir.
Elə bu günlər İsmayıllı şəhərindəki şəhid
Ağahüseyn Aslanov adına 2 nömrəli tam orta
məktəbin bir qrup müəllim və şagirdi Mübariz
İbrahimovun vaxtı ilə təhsil aldığı məktəbə
gəlib, Milli Qəhrəmanın həyat yolunu əks etdirən
guşə ilə tanış olub, burada şəkillər çəkdirib və
xatirə kitabına ürək sözlərini yazıblar.
Görüşdə çıxış edən məktəbin direktoru Ramil
Dadaşov şəhid ruhu qarşısında hər birimizin
borclu olduğunu və hər bir gəncin vətənpərvərlik
ruhunda böyüməsi üçün Mübariz məktəbindən
bəhrələnməsinin vacib olduğunu diqqətə çatdırıb.
Sonra sözügedən məktəbin müəllimi Sədaqət
İsazadə Milli Qəhrəmana həsr etdiyi şeirini
söyləyib. Həmin məktəbin müəllimlərindən Xatirə
Orucova, Əli Əliyev, Qarabağ müharibəsi
veteranları İsa Musayev və Əlisahib Əzizov
Mübariz İbrahimovun təhsil aldığı məktəbin
müəllim kollektivinə belə igid oğul tərbiyə
etdiklərinə görə dərin minnətdarlıqlarını
bildiriblər.
Əliabad kənd orta məktəbinin direktoru Bəsirə
Rüstəmova və tədris işləri üzrə direktor müavini
Böyükbəy Quliyev Milli Qəhrəman Mübariz
İbrahimovun təhsil illəri haqqında tədbir
iştirakçılarına ətraflı məlumat veriblər.
Elə həmin gün qonaqlar Milli Qəhrəman Mübariz
İbrahimovun yaşadığı evi də ziyarət edib, burada
xatirə şəkilləri çəkdiriblər.
***
Cəlilabad rayonundakı 1 nömrəli tam orta
məktəbin bir qrup şagirdi də Milli Qəhrəman
Mübariz İbrahimovun vaxtı ilə yaşadığı evdə
olub, valideynləri ilə görüşüb. Milli Qəhrəmanın
atası Ağakərim kişi ilə, anası Şamama xala ilə
xatirə şəkilləri çəkdiriblər. Azərbaycan dili və
ədəbiyyat müəllimi Gülafət Əsgərova təmsil
olunduğu məktəbin şagird və pedaqoji kollektivi
adından çıxış edərək belə oğul böyütdükləri üçün
Milli Qəhrəmanın valideynlərinə minnətdarlığını
bildirib, Azərbaycanın Mübariz oğlu ilə fəxr
edirik, deyib.
ƏDALƏT |
