|
Təhsil Nazirliyinin müvafiq əmrinə uyğun olaraq
2011-2012-ci dərs ilində respublikanın
ümumtəhsil məktəblərinin I siniflərində dərs
deyəcək, həmçinin son üç ildə fənn
kurikulumlarının tətbiqi üzrə kursdan keçməyən
ibtidai sinif müəllimləri üçün iyun-avqust
aylarında təlim kurslarının təşkil edilməsi
nəzərdə tutulub.
Hazırda Lerik rayonunda da həmin kurslar
keçirilir. İki mərhələdə təşkil olunmuş
kursların I mərhələsi 4-14 iyul 2011-ci il, II
mərhələsi isə 18-29 iyul 2011-ci il tarixlərində
keçirilməsi nəzərdə tutulub. Artıq I mərhələdə
məşğələlər yekunlaşmış, 51 sinif müəllimi
kursdan keçmişdir. Qeyd edək ki, məşğələləri
"İnkişaf" Elmi Mərkəzinin müəllimləri Məlahət
Şirinova və Sevinc Hüseynova aparır.
Məşğələlərin yüksək səviyyədə keçirilməsi üçün
Lerik RTŞ tərəfindən hər cür şərait yaradılmış,
onun keçirildiyi otaqlar texniki təlim
vasitələri ilə təchiz olunmuşdur. İştirak edəcək
müəllimlər dəqiqləşdirilmiş, rayon mərkəzindən
uzaqda yerləşən məktəblərdən gələnlər üçün
yataqxana təşkil olunmuşdur.
Kursun sonunda müəllimlərə Təhsil Nazirliyi
tərəfindən müəyyən edilmiş vahid formada
sertifikat veriləcək.
H.MİRZƏYEV,
Lerik RTŞ-ın metodisti |
