|
 Bakı
Dövlət Universitetinin rektoru, millət vəkili,
parlamentin Azərbaycan-Yaponiya
parlamentlərarası əlaqələr üzrə işçi qrupunun
rəhbəri, akademik Abel Məhərrəmov Azərbaycan
Respublikasının Yaponiyada fövqəladə və
səlahiyyətli səfiri vəzifəsinə təyin edilən
Gürsel İsmayılzadəni qəbul edib. Universitet
haqqında səfirə məlumat verən rektor, əsasən
Yaponiya universitetləri ilə əməkdaşlıqdan bəhs
edib. Bu ölkənin ali təhsil ocaqları, xüsusən də
Qumma Universiteti ilə BDU-nun əməkdaşlığının
olduğunu söyləyib. 2000-ci ildən Şərqşünaslıq
fakültəsində yapon dili və ədəbiyyatı
ixtisasının fəaliyyət göstərməsindən, bu sahədə
bakalavr və magistr hazırlanmasından, yapon
dili üzrə elmi məktəbin formalaşmasından bəhs
edib.
Səfirlə
görüşün münasibətlərə yeni impuls olacağını
vurğulayan rektor universitetlərarası
əməkdaşlığın genişləndirilməsinin əhəmiyyətini
diqqətə çatdırıb.
Rektor Abel
Məhərrəmovun fikirləri ilə həmrəy olan səfir
Gürsel İsmayılzadə Prezident İlham Əliyevlə
görüşündən danışıb və dövlət başçısının Yaponiya
ilə bir çox sahələrdə münasibətlərin
inkişafına, dostluq əlaqələrinin
möhkəmləndirilməsinə böyük önəm verdiyindən, o
cümlədən Azərbaycandan Yaponiyaya tələbə
göndərilməsində maraqlı olduğundan bəhs edib. Bu
baxımdan G.İsmayılzadə gələcək fəaliyyətində bu
məsələyə xüsusi diqqətin olacağını qeyd edib.
Prezident
İlham Əliyevin Yaponiyaya tələbə göndərilməsi
ilə bağlı fikrinin əhəmiyyətinə toxunan rektor
Abel Məhərrəmov dövlət hesabına təhsil alacaq
gənclərin qayıtdıqdan sonra bir neçə il Bakı
Dövlət Universitetində çalışıb mütəxəssis
yetişdirmələrinin önəmini də qeyd edib.
Səfir rektor
Abel Məhərrəmovun Milli Məclisin
Azərbaycan-Yaponiya parlamentlərarası əlaqələr
üzrə işçi qrupunun rəhbəri kimi fəaliyyətini
yüksək dəyərləndirdiyini, yeni təyinatı dövründə
universitetə gəlməyinin görülən işləri daha da
genişləndirmək, müəyyən təkan vermək məqsədi
daşıdığını, universitetlərarası əlaqələrin daha
da genişləndirilməsində maraqlı olduğunu
söyləyib. |
