|
Azərbaycan Müəllimlər İnstitutunda 15 sentyabr -
Bilik günü münasibətilə tədbir böyük ruh
yüksəkliyi ilə keçirildi.
Tədbir Dövlət himninin səslənməsi ilə başladı.
Giriş sözü ilə institutun rekroru, millət
vəkili, professor A.Naxçıvanlı çıxış edərək
yeni dərs ilinin başlanmasının mühüm
ictimai-siyasi hadisə və hər bir ailənin
həyatında əlamətdar mərhələ olduğunu bildirdi.
O, toplantı iştirakçılarını və onların şəxsində
respublikanın bütün professor-müəllim heyətini,
tələbə və məktəblilərini yeni dərs ilinin
başlanması münasibətilə təbrik etdi, işlərində
müvəffəqiyyətlər, dolğun tələbəlik həyatı
arzuladı.
Professor Aqiyə Naxçıvanlı bildirdi ki, tələbə
olmaq təkcə yüksək şərəf deyil, həm də yüksək
ictimai məsuliyyətdir, Vətən qarşısında, dövlət
qarşısında böyük vətəndaşlıq borcudur.
Azərbaycan gənclərinin ictimai-siyasi
hadisələrdə iştirakının stimullaşdırılması üçün
son illərdə ölkəmizdə xeyli işlər görülmüşdür.
Ulu öndərimiz Heydər Əliyev cəmiyyətimizin bütün
sahələri və təbəqələri kimi gəncləri də heç vaxt
diqqət və qayğıdan kənarda qoymamışdır. Təməli
ulu öndərimiz tərəfindən qoyulan gənclərlə bağlı
siyasət Azərbaycan Respublikasının Prezidenti
cənab İlham Əliyev tərəfindən bu gün də uğurla
davam etdirilir və bu siyasət Azərbaycana istər
demokratiya institutlarına inteqrasiyada,
istərsə də vətəndaş cəmiyyətinin inkişafında
böyük üstünlüklər qazandırır.
Qeyd edildi ki, Azərbaycan Respublikası
Prezidentinin müvafiq sərəncamına uyğun olaraq
2011-2012-ci tədris ilində tələbə qəbulu
imtahanlarında ixtisas qrupları üzrə ən yüksək
nəticələr göstərmiş və Azərbaycan
Respublikasının ali məktəblərinə daxil olmuş 102
tələbəyə Prezident təqaüdünün verilməsi də
gənclərə dövlət qayğısının bariz nümunəsidir.
İldən-ilə bizim də institutumuzu bitirən
məzunlar arasında qırmızı diplom alanların və
magistraturaya qəbul olan tələbələrin sayının
artması onu deməyə əsas verir ki, bu il qəbul
olan tələbələrimiz də əsl tələbə adını
doğruldacaq və vətənə layiqli vətəndaş kimi
yetişəcəklər.
Ulu öndərimiz Heydər Əliyevin dediyi kimi
"Cəmiyyətin gələcək tərəqqisi bir çox cəhətdən
indi gənclərimizə nəyi və necə öyrətməyimizdən
asılı olacaqdır".
Sonra tədbirdə çıxış edən məzun Könül
Piriverdiyeva, birinci kurs tələbələri və
valideynlər öz sevinclərini bölüşdülər və yüksək
təhsil almaq üçün yaradılan şəraitə görə
institutun rəhbərliyinə dərin təşəkkürlərini
bildirdilər. |
