|
Bu günlərdə Ekoloji parkda 1 və 2 nömrəli
uşaq evlərinin 50 nəfər şagirdi üçün Beynəlxalq
Sülh Gününə həsr edilmiş tədbir keçirilib.
ARDNŞ-ın Ekologiya İdarəsi, YUNESKO, YUNİSEF,
Ekologiya və Təbii Sərvətlər Nazirliyi, Təhsil
Nazirliyi, Mədəniyyət və Turizm Nazirliyi və "ELS"
Müstəqil Araşdırmalar Mərkəzinin təşəbbüsü
ilə təşkil olunan mərasim uşaqlarda xoş ovqat
yaratmaqla bərabər, onlara sülh anlamının
mahiyyətini dərindən dərk etməyə köməklik
göstərdi, bütün dünya uşaqlarının sülh,
mehribanlıq, dostluq, qardaşlıq şəraitində
yaşamasının vacibliyini dərk etdirdi. Tədbirdə
torpaq, ərazi iddiası uğrunda aparılan yersiz
müharibələrin insan qırğınına necə səbəb
olduğundan bəhs olundu, müharibəyə nifrət, sülhə
məhəbbət hissləri aşılandı. Eko-Mərkəzin
konfrans zalında Sülh günü ilə bağlı keçirilən
seminarda qeyd edildi ki, ərazisinin 20 faizi
işğala məruz qalmış Azərbaycan bütün
səviyyələrdə danışıqları sülh yolu ilə davam
etdirməyi vacib sayır.
Sonda ARDNŞ-ın Ekologiya İdarəsi tərəfindən
uşaqlara hədiyyələr təqdim olundu.
S.SƏFƏROVA |
|
