Azərbaycan Respublikasının
Təhsil Qanunu

 Oktyabrın 20-də Təhsil Nazirliyi və Bakı Şəhəri üzrə Təhsil İdarəsinin birgə təşkilatçılığı ilə paytaxtın Nərimanov rayonundakı orta ümumi təhsil müəssisələrində şagirdlərin dərsə davamiyyətinə dair monitorinq keçirildi. Monitorinqdə Təhsil Nazirliyinin İctimaiyyətlə əlaqə şöbəsinin müdiri Bayram Hüseynzadə, BŞTİ-nin Mətbuat xidmətinin rəhbəri Zəminə Əliqızı və  KİV nümayəndələri iştirak edirdilər.  Mətbuat işçilərinin seçimi əsasında Bakının 177, 47 və 258 nömrəli orta məktəblərində olan monitorinq qrupunun araşdırmaları zamanı hər üç məktəbdə həm yuxarı, həm də ibtidai sinif şagirdlərinin davamiyyətinin 95 faizdən yüksək olduğu məlum oldu. Monitorinq qrupu həmçinin məktəblərdə tədrisin təşkili və digər məsələlərlə maraqlanıb, jurnalistləri maraqlandıran suallar cavablandırılıb. Monitorinq zamanı Təhsil Nazirliyinin İctimaiyyətlə əlaqə şöbəsinin müdiri Bayram Hüseynzadə KİV nümayəndələrinə açıqlamasında bildirdi ki, reydlər hər həftə Bakının bir rayonunda keçiriləcək. Monitorinqlərin keçirilməsinin bu ilin sonunadək davam edəcəyini bildirən B.Hüseynzadə qeyd etdi ki, reydlərin keçiriləcəyi haqqında müəssisə rəhbərlərinə qabaqcadan heç bir xəbərdarlıq olunmayıb. Bildirdi ki, bütün monitorinqlər jurnalistlərin iştirakı ilə həyata keçiriləcək. Reyd üçün seçiləcək məktəblər media nümayəndələrinin istəklərinə uyğun müəyyənləşdiriləcək. İbtidai sinif şagirdlərinin çantalarının ağırlığı ilə bağlı məsələyə toxunan B.Hüseynzadə kitab və iş dəftərlərinin çəkisinin cəmi 2,5-3 kq olduğunu bildirdi. Uşaqlara kiçik çantaların alınmasını və yüngül əşyaların çantalara qoyulmasını valideynlərə tövsiyə etdi.  

Niyazi RƏHİMOV

BİZ TORPAQLARIMIZA QAYIDACAĞIQ!

2007 - 2015-ci illərdə Azərbaycan gənclərinin xarici ölkələrdə təhsili üzrə
DÖVLƏT PROQRAMI

Azərbaycan Respublikasında texniki peşə təhsilinin inkişafı üzrə
DÖVLƏT PROQRAMI

Azərbaycan Respublikası Təhsil Nazirliyi
KURİKULUM PORTALI

Azərbaycan Respublikası
TƏHSİL PORTALI