|
Oktyabrın 12-də Bakıdakı 229 nömrəli orta
məktəbdə dövlət müstəqilliyinin bərpasının 20
illiyi ilə əlaqədar "açıq dərslər" keçirildi.
Məktəbin direktoru Fəridə Bağırova qonaqları
salamlayaraq keçirilən tədbirin əhəmiyyəti
haqqında məlumat verdi. Qonaqlar məktəbin
təlim-tərbiyə işləri ilə yaxından tanış olduqdan
sonra II "b" sinfində Laləzər Hüseynovanın ana
dili, IV "a"sinfində Sücaət Musayevanın ana
dili, VI "b" sinfində Yeganə Ağayevanın
riyaziyyat, X "b" sinfində Gülnarə Ağayevanın
ədəbiyyat və X "b" sinfində Şəhla Qarayevanın
ingilis dili dərslərində iştirak etdilər. Sonra
"dəyirmi masa" arxasında dinlənən dərslər
ətraflı təhlil olundu.
"Açıq dərs"lərdə iştirak edən Bakı Şəhəri üzrə
Təhsil İdarəsi Metodmərkəzinin metodistləri
Aidə Quliyeva, Fəridə Mürsəlova və başqaları
bildirdilər ki, bu dərslər Milli Kurikulumun
tələb etldiyi standartlar əsasında yüksək
səviyyədə keçdi. Müəllimlər dərsdə əyani
vəsaitdən və digər vasitələrdən səmərəli
istifadə etdilər və fənlərarası inteqrasiya
yaratdılar.
Nizami Rayon İcra Hakimiyyəti başçısının
humanitar məsələlər üzrə müavini Gülnaz
İsrafilova, Bakıdakı 238 nömrəli orta məktəbin
direktoru İlqar Talıbov, 32 nömrəli orta
məktəbin direktoru Sevda Abdullayeva və digər
qonaqlar da dinlənən dərslər barədə öz
fikirlərini dedilər və müəllimlərin işlərindən
çox razı qaldıqlarını bildirdilər.
Şakir CƏFƏROV |
