|
Bolqarıstan Prezidentinin təhsil, elm və
iqtisadi inkişaf məsələləri üzrə müşaviri,
Sofiya Milli və Dünya Təsərrüfatı
Universitetinin rektoru Borislav Borisov,
həmçinin Ukraynanın Poltava İqtisadiyyat və
Ticarət Universitetinin (PİTU) prorektoru
O.Karnenko, Beynəlxalq elm-təhsil mərkəzinin
müdiri İ.İsenko və universitetin turizm
ixtisasında təhsil alan bir qrup tələbəsi Bakı
Slavyan Universitetində (BSU) olmuşlar.
BSU-dan AzərTAc-a bildirmişlər ki, görüşdə bu
ali təhsil müəssisəsinin rektoru, AMEA-nın
müxbir üzvü, professor Kamal Abdullayev
universitetin fəaliyyəti, beynəlxalq əlaqələri
barədə məlumat vermişdir. Rektor, həmçinin BSU
və Bolqarıstan Respublikasının universitetləri
ilə əlaqələrin perspektivindən, BSU-da
bolqarşünaslıq ixtisası üzrə təhsil alan
tələbələrin Bolqarıstan universitetlərində
təhsillərini davam etdirməsi imkanlarından söz
açmışdır.
BSU-da fəaliyyət göstərən Bolqar Dili və
Mədəniyyəti Mərkəzində bolqarşünas tələbələrlə
görüşən qonaqlar Bolqarıstan Respublikasının
Prezidenti Georgi Pırvanovun adından mərkəzə
kitablar hədiyyə etmişlər. Görüş zamanı BSU-nun
bolqarşünas tələbələrinin Bolqarıstanda yay
məktəbində təhsil aldıqları müddətdə keçirilmiş
esse müsabiqəsinin qalibinin adı açıqlanmışdır.
Qalib BSU-nun Regionşünaslıq fakültəsinin ikinci
kurs tələbəsi Nərgiz Ağayeva olmuşdur.
Qonaqlar BSU-da fəaliyyət göstərən
tədris-mədəniyyət mərkəzləri, kitabxana,
linqafon zalları və laboratoriyaları gəzmiş,
tədris prosesi ilə tanış olmuşlar. |
