|
Bakının Xətai rayonunda yerləşən S.Həsənov adına
63 nömrəli tam orta məktəbdə 12 noyabr
Konstitusiya Günü münasibəti ilə tədbir
keçirildi. Əvvəlcə şagirdlərin ifasında Dövlət
himni səsləndirildi.
Tədbiri giriş sözü ilə açan məktəbin direktoru
Cavanşir Tarverdiyev Konstitusiyamızın
tarixindən danışaraq ulu öndər Heydər Əliyevin
xalqın tələbi ilə respublikamızda ikinci dəfə
hakimiyyətə gəldikdən sonra həyata keçirdiyi
bir çox islahatlar haqqında tədbir
iştirakçılarına məlumat verdi. Bildirildi ki,
böyük siyasətçi və dövlət xadimi ümummilli lider
Heydər Əliyevin yeritdiyi müdrik siyasət
nəticəsində dövlət Konstitusiyamız möhkəmləndi,
ulu öndərin memarı olduğu müasir Azərbaycan
böyük bir inkişaf yoluna qədəm qoydu.
Çıxışlarda vurğulandı ki, ulu öndərin siyasi
kursunu qətiyyətlə davam etdirən layiqli varisi
ölkə Prezidenti İlham Əliyevin rəhbərliyi ilə
həyata keçirilən nəhəng quruculuq işləri
nəticəsində son illər ölkəmiz daha da inkişaf
etmiş, bütün sahələrdə uğurlar qazanılmışdır.
Şagirdlər vətənpərvərlik ruhunda şeirlər
söylədilər, mahnılar ifa etdilər. Bildirildi
ki, bu gün qarşımızda duran ən mühüm vəzifə
Azərbaycanın ərazi bütövlüyünün bərpa edilməsi,
işğal olunmuş torpaqlarımızın azad olunaraq geri
qaytarılmasıdır.
Tədbirin sonunda Konstitusiya Gününə həsr
olunmuş film nümayiş olundu.
***
Bakının Badamdar qəsəbəsində yerləşən 236
nömrəli tam orta məktəbdə 12 noyabr Konstitusiya
Günü münasibətilə keçirilən tədbirdə əvvəlcə
müstəqil Azərbaycanın qurucusu və memarı
ümummilli lider Heydər Əliyevin və vətənimizin
ərazi bütovlüyü, torpaqlarımızın qorunması
uğrunda canlarından keçən şəhidlərimizin əziz
xatirəsi bir dəqiqəlik sükutla yad edildi.
Dövlət himni və dahi bəstəkar Üzeyir
Hacıbəylinin "Koroğlu" operasından uvertüra ilə
başlanan tədbirə təntənəli şəkildə Dövlət
bayrağı gətirildi. Tədbiri giriş sözü ilə təhsil
ocağının rəhbəri Xanlar İmaməliyev açaraq
məktəbin müəllim və şagird kollektivini, tədbir
iştirakçılarını 12 noyabr Konstitusiya Günü
münasibəti ilə təbrik etdi. O, Konstitusiya
Gününün yaranma tarixi haqqında iştirakçılara
geniş məlumat verdi.
Tədbirin aparıcıları12 noyabr Konstitusiya Günü
ilə əlaqədar Səbail Rayon İcra Hakimiyyətinin
təşəbbüsü ilə həyata keçirilən inşa yazı
müsabiqəsində yer tutmuş şagirdləri səhnəyə
dəvət edərək təbrik etdi.
Çıxış edən qonaqlar Konstitusiyamızın
tanınmasında misilsiz xidmətlər göstərmiş,
şərəfli ömrünü xalqına həsr etmiş ulu öndər
Heydər Əliyevin dövlətçilik ideyalarının yeni
nəsillər üçün örnək olduğundan bəhs etdilər.
Şagirdlərin Vətənlə bağlı söylədikləri şeirlər,
onların ifasında milli rəqslər, mahnılar tədbir
iştirakçıları tərəfindən maraqla qarşılandı.
Tədbirin sonunda 12 noyabr Konstitusiya Gününə
həsr olunmuş film nümayiş olundu.
Rəşad ZİYADOV |
