|
Azərbaycan Müəllimlər İnstitutunun Zaqatala
filialında Milli Dirçəliş Gününə həsr olunmuş
elmi-praktik konfrans keçirilmişdir.
Tədbir Azərbaycan Respublikası Dövlət himninin
səsləndirilməsi ilə başlanmışdır.
Giriş sözü ilə çıxış edən filialın direktoru,
dosent Tovuz Eminli bildirmişdir ki,
Azərbaycanın ən yeni tarixinin parlaq
səhifələrindən biri olan Milli Dirçəliş Günü
əslində xalqımızın milli özünüdərkinin və
özünəqayıdışının doğum günü kimi yaddaşlara
köçmüşdür. Bu şərəfli tarix bizi müstəqilliyə
qovuşdurmuş, Heydər Əliyev zəkasının gücü ilə
əbədiyaşarlıq qazanmışdır.
Qeyd edilmişdir ki, hazırda təhsildə əldə olunan
uğurlar ölkə başçısı İlham Əliyevin və Heydər
Əliyev Fondunun prezidenti, millət vəkili
Mehriban Əliyevanın diqqət və qayğısı
nəticəsində daha da genişlənməkdədir.
"Milli varlığımızın təntənəsi", "İstiqlal
tariximizin 24 ili" mövzularında məruzələrlə
çıxış edən tarix üzrə fəlsəfə doktoru Qüdrət
Qırtımov, "Tərəqqi" medalı ilə təltif olunmuş
Nadir Əliyev, baş müəllim Sabir Qurbanov müasir
tariximizin şanlı səhifələrini konfrans
iştirakçılarının diqqətinə çatdırmışlar.
Özlərini bu müstəqillik tarixinin övladları
adlandıran tələbələrdən Aygül Yusibova və Əziz
Məmmədovun çıxışları maraqla qarşılanmışdır.
Konfransın sonunda YAP sıralarına daxil olmuş
I kurs tələbələrinə üzvlük biletləri təqdim
olunmuş, milli azadlıq hərəkatının bəzi
məqamlarından bəhs edən videoçarx nümayiş
etdirilmişdir.
Xanım QURBANOVA,
AMİ-nin Zaqatala filialının
istehsalat təcrübəsi şöbəsinin müdiri
|
