|
Gəncə Şəhər Gənclər və İdman Baş İdarəsinin və
Vətəndaş Cəmiyyəti Debat İctimai Birliyinin
təşkilatçılığı ilə Azərbaycan Texnologiya
Universitetində ali məktəb tələbələri arasında
debat keçirilmişdir.
Gəncə Şəhər Gənclər və İdman Baş İdarəsinin
rəisi Mikayıl Zeynalov AzərTAc-a bildirmişdir ki,
şəhərdə fəaliyyət göstərən ali təhsil
müəssisələri tələbələrinin iştirakı ilə
keçirilən yarışda məqsəd gəncləri
maarifləndirmək, onların öz düşüncələrini
sərbəst şəkildə ifadə etmək qabiliyyətlərini üzə
çıxarmaq, dünyagörüşlərini formalaşdırmaq və bir
vətəndaş olaraq öz ölkələri üçün məsuliyyət
daşıdıqlarını hiss etdirməkdir.
90 nəfər tələbənin iştirakı ilə keçirilən
debatın sonunda qaliblərə sertifikatlar verilmiş
və onlar gələn ilin may ayında ümummilli
liderimiz Heydər Əliyevin xatirəsinə həsr
olunacaq respublika debat turnirində iştirak
etmək hüququ qazanmışlar. |
