|
 Bakıdakı
313 nömrəli tam orta məktəbdə ADPU-nun fizika
fakültəsinin birgə təşkilatçılığı ilə "Təbiət
elmlərinin tədrisində fənlərarası inteqrasiya"
mövzusunda elmi-praktik konfrans keçirilib.
Konfransı giriş sözü ilə məktəbin direktoru
Zakir Bayramov açaraq təhsil ocağının son
illərdə qazandığı uğurlardan danışıb. Bildirilib
ki, məktəb 2007-ci ildə tikilərək istifadəyə
verilmişdir. Məktəbdə müxtəlif fənn kabinetləri,
iki müasir tipli informatika kabineti şagird və
müəllimlərin ixtiyarına verilib. Burada
şagirdlərin yüksək bilik əldə etmələri üçün hər
cür şərait yaradılıb. Şagird nailiyyətlərindən
bəhs edərkən VII sinif şagirdi Cavid Müseyibli
2009-cu ildə "Gənc kompüter istedadları" I
Respublika müsabiqəsinin qalibi olması, Mövlud
Məmmədlinin riyaziyyat fənni üzrə keçirilən
olimpiadanın respublika turunda çıxış etməsi və
digər uğurlar qeyd edilib. Məzunların son üç
ildə respublikanın müxtəlif ali məktəblərinə
qəbul olması faizi diqqətə çatdırılıb.
Konfransda ADPU-nun professoru Mirzəli Murquzov
"Müasir təbiətşünaslıq və elmlərin inteqra siyası",
məktəbin kimya müəllimi Fəzail Aslanov "Kimya
dərslərinin tədrisi zamanı fənlərarası əlaqə",
IX sinif şagirdi Kənan Alıyev isə "Təbiət
elmlərindən öyrəndiklərim" mövzularında
məruzələri dinlənilib
Konfransdan sonra qonaqlar məktəblə yaxından
tanış olaraq fənn kabinetləri və
laboratoriyalarda olublar.
Professor M.Murquzov məktəbdə təlim-tərbiyənin
yüksək səviyyədə olduğundan məmnun olduğunu,
ADPU-nun tələbələrinin pedaqoji təcrübələrinin
təhsil müəssisəsində keçirilməsinin əlverişli
olacağını bildirib.
Şakir CƏFƏROV,
ADPU-nun dissertantı |
