Danimarkanın paytaxtı Kopenhagendə Avropa Tələbələr Birliyi və Danimarka Tələbələr Birliyinin birgə təşkilatçılığı ilə 62-ci Avropa Tələbələr Konvensiyası keçirilmişdir. Konvensiya zamanı əsas olaraq tələbələrin məşğulluq problemi müzakirə edilmişdir.

38 ölkədən 45 milli tələbə birliyinin nümayəndələrinin iştirak etdiyi Konvensiyada ölkəmizi Azərbaycan Tələbələr Birliyi tərəfindən Elgün Rzazadə təmsil etmişdir. Onun iştirakı ilə Konvensiyada mövzu ilə əlaqədar müxtəlif müzakirələr təşkil edilmişdir. Müzakirələrdə Cənubi Qafqaz ölkələrinin bu sahədəki problemləri və müsbət təcrübələri vurğulanmışdır.

Səslənmiş fikirlər əsasında Kopenhagen Bəyannaməsi qəbul edilmişdir.

Bəyannamədə Avropa ölkələrinin milli hökumətlərinə 10 maddədən ibarət təkliflər əksini tapır. 

AzərTAc