Təhsil Nazirliyinin aparıcı məsləhətçisi Afət Süleymanovanın "Ədəbiyyat dərslərində informasiya və kommunikasiya texnologiyalarından istifadə"  adlı metodik  vəsait   çap edilmişdir. Metodik vəsaiti   Təhsil Nazirliyinin Elmi-Metodik Şurasının "Azərbaycan dili və ədəbiyyat" bölməsinin qərarı ilə təsdiq edilmişdir. Bu vəsaitdə şagirdin tədqiqatçılıq, idraki, ictimai bacarıqlarının inkişafı və təlim marağının yüksəlməsində İKT-dən istifadənin əhəmiyyəti araşdırılmışdır. Onun multimedia və İnternet imkanlarının mahiyyəti, istifadə yolları və idarə olunması ədəbiyyatın tədrisinin təşkili baxımından öyrənilmiş və müvafiq tövsiyələr hazırlanmışdır. Eyni zamanda şagirdlərin yaradıcı imkanlarından istifadə etməklə maraqlı və yararlı elektron resursların hazırlanması yolları işlənmişdir. Metodik vəsait ümumtəhsil məktəblərinin ədəbiyyat fənn müəllimləri, metodistləri, ali məktəblərin filologiya fakültəsinin tələbələri və  əlavə təhsilin müvafiq kurslarının müdavimləri üçün nəzərdə tutulmuşdur.

Şakir CƏFƏROV