Qax RTŞ-ın Azərbaycan dili və ədəbiyyat fənni üzrə metodisti Aybəniz Məmmədovadan aldığımız məlumatda bildirilir ki, rayonun ümumtəhsil məktəblərində bütün fənlər üzrə dayaq məntəqələri yaradılıb. Hər bir dayaq mərkəzi 8-10 məktəbi əhatə edir.

Bu günlərdə RTŞ-ın tədbirlər planına uyğun olaraq rayonun 7 dayaq məntəqəsində - 4 məktəbəqədər tərbiyə müəssisəsində növbəti dayaq məntəqə metodbirləşmə iclasları olub. Tədbirdə 56 "açıq dərs" keçirilib, 168 pedaqoji məruzə dinlənilib, 5 nəfər müəllimin qabaqcıl təcrübəsinin öyrənilib yayılması nəzərdə tutulub. Eyni zamanda 4 məktəbəqədər tərbiyə müəssisəsində 16 pedaqoji məruzə dinlənilib və 4 nəfərin qabaqcıl iş təcrübəsi öyrənilib.

Tədbir rayon müəllimlərinin kollektiv əməkdaşlıq, İKT-dən və yeni təlim texnologiyalarından səmərəli istifadə sahəsində təcrübə mübadiləsinə yeni stimul verib. 

ƏDALƏT