Bu günlərdə Bakının Sabunçu rayonundakı 137 nömrəli tam orta məktəbin VI sinif şagirdləri neft milyonçusu Murtuza Muxtarovun təməlini qoyduğu Nəbatat Bağına ekskursiya ediblər. Onlar burada öncə Murtuza Muxtarov haqqında qısa məlumat alıblar.

Sonra şagirdlər Nəbatat Bağında xarici ölkələrdən gətirilib burada yetişdirilən saysız-hesabsız nadir bitki növləri ilə tanış olublar. Bu bağda yetişdirilən və maraqlı növlərdən olan aqava bitkisi 12 ildən bir çiçək açır, sonra da məhv olur. Aspirdisra bitkisini isə digər bitkilərdən fərqləndirən maraqlı xüsusiyyəti çiçəyini torpağın altında açmasıdır. Bundan başqa şagirdlər burada bənövşə, kənar xurması, şeytan ağacı, yuka, məsin, vitiks və s. bitkilər barədə də ətraflı məlumatlar əldə ediblər

Onlar Nəbatat Bağına bu maraqlı ekskursiyanı təşkil etdiyinə görə biologiya müəllimləri Rüsxarə xanıma təşəkkür ediblər. 

ƏDALƏT