Bakıdakı 54 nömrəli  tam orta məktəbdə ulu öndər Heydər Əliyevə həsr olunmuş "Müdriksən, ucasan, əbədisən qəlbimizdə" adlı tədbir keçirildi. Əvvəlcə tədbir iştirakçıları məktəbin foyesində ulu öndərə həsr olunmuş şagirdlərin əl işlərindən ibarət guşə ilə tanış oldular. Qonaqlar ümummilli liderə həsr  olunan "açıq dərs"lərdə iştirak etdilər. Şagirdlərin ifasında Dövlət himni səsləndirildi. Üçrəngli Dövlət bayrağı səhnəyə gətirildi. Ümummilli lider Heydər Əliyevin əziz xatirəsi bir dəqiqəlik sükutla yad edildi.

Tədbiri giriş sözü ilə məktəbin direktoru Sahibə Abbasova açaraq ulu öndər Heydər Əliyevin Azərbaycan xalqına göstərdiyi misilsiz xidmətlərdən söz açdı.

Meydan istedadlı şagirdlərə verildi. Onlar ulu öndəri çox sevdiklərini və ömür boyu bu sevginin tükənməyəcəyini bildirdilər. Şagirdlər ümummilli liderə həsr olunan mahnılar ifa etdilər  və şeirlər söylədilər.

Çıxış edənlər ulu öndərin həyat yolu haqqında geniş məlumat verdilər.

Sonra təhsil ocağında keçirilən ulu öndər Heydər Əliyevə həsr olunmuş inşa yazı müsabiqəsinin qalibləri mükafatlandırıldı. Tədbir ulu öndər Heydər Əliyevə həsr olunmuş filmin nümayişi ilə başa çatdı.  

Rəşad ZİYADOV