|
Azərbaycan Respublikasının Prezidenti cənab İlham
Əliyevin 17.04.2006-cı il tarixli, 1414 nömrəli
sərəncamı ilə təsdiq olunmuş "Xüsusi istedada malik
uşaqların (gənclərin) yaradıcılıq potensialının inkişafı
üzrə Dövlət Proqramı"ndan irəli gələn konseptual
xarakterli göstərişlərini rəhbər tutaraq respublikanın
şəhər və rayonlarında istedadı ilə fərqlənən, 2010/11-ci
və 2011/12-ci dərs ilində xüsusi lisey siniflərinə qəbul
olunmuş və hazırda VI və VII siniflərdə təhsil alan
xüsusi istedada malik şagirdlərin qiymətləndirilməsini
təmin etmək məqsədilə
ƏMR EDİRƏM:
1. Bölgələr üzrə müəyyən olunmuş şəhər və rayonların
qeyd edilən təhsil müəssisələrinin xüsusi lisey
siniflərində oxuyan xüsusi istedada malik VI və VII
sinif şagirdlərinin qiymətləndirilməsi 28.09.2012-ci il
tarixində aşağıdakı məktəblərdə keçirilsin:
- Gəncə şəhəri 27 nömrəli fizika-riyaziyyat və
informatika təmayüllü lisey
- Sumqayıt şəhəri təbiət elmləri təmayüllü gimnaziya
- Mingəçevir şəhəri İ.Qayıbov adına 10 nömrəli tam orta
məktəb
- Şirvan şəhəri S.Hüseynov adına 1 nömrəli tam orta
məktəb
- Lənkəran şəhəri S.Kazımbəyov adına şəhər 6 nömrəli tam
orta məktəb
- Şəki şəhəri 19 nömrəli tam orta məktəb
- Quba rayonu A.Məmmədov adına təbiət fənləri təmayüllü
2 nömrəli məktəb-lisey
- Ağdaş rayonu S.Vurğun adına şəhər 1 nömrəli tam orta
məktəb
2. Xüsusi lisey siniflərində oxuyan xüsusi istedada
malik VI və VII sinif şagirdlərinin qiymətləndirilməsini
Monitorinq və qiymətləndirmə şöbəsi (T.Hacıyeva) həyata
keçirsin.
3. Xüsusi lisey siniflərində oxuyan xüsusi istedada
malik VI və VII sinif şagirdlərinin qiymətləndirilməsi
Azərbaycan dili və riyaziyyat fənləri üzrə
qiymətləndirmə vasitələri əsasında keçirilsin.
4. Gəncə şəhər Tİ, Sumqayıt, Mingəçevir, Şirvan şəhər və
Lənkəran, Şəki, Quba, Ağdaş rayon təhsil şöbələrinə
(Z.Hüseynov, V.Bağırov, N.Sultanov, P.Nəbiyev,
Ş.Əhmədova, S.İsmayılova, S.Aslanov, L.Paşayev)
tapşırılsın:
- xüsusi lisey sinfində oxuyan xüsusi istedada malik VI
və VII sinif şagirdlərinin 28.09.2012-ci il tarixində
saat 14.00-da qiymətləndirmədə iştirakını təmin
etsinlər.
5. İqtisadiyyat şöbəsi (Ş.Əliyev) qiymətləndirmə
vasitələrinin çap olunması ilə bağlı smeta sənədlərinin
hazırlanmasını təmin etsin.
6. İctimaiyyətlə əlaqə şöbəsi (B.Hüseynzadə) əmrin
"Azərbaycan müəllimi" qəzetində və "Təhsil xəbərləri"
məcmuəsində dərc olunmasını həyata keçirsin.
7. Əmrin icrasına nəzarəti öz üzərimdə saxlayıram.
Misir MƏRDANOV,
Azərbaycan Respublikasının təhsil naziri
9 avqust 2012-ci il |
