Azərbaycan Respublikası Nazirlər Kabinetinin 31.10.2011-ci il tarixli 178 №-li Qərarı ilə təsdiq edilmiş "İlk peşə-ixtisas təhsili üzrə ixtisasların təsnifatı"nda göstərilən peşələrin məzmununun müasir dövrə uyğun dəyişdiyini və bununla əlaqədar yeni tədris plan və proqramlarının yenidən hazırlanmasına ehtiyac yarandığını nəzərə alaraq

ƏMR EDİRƏM: 

1. "İlk peşə-ixtisas təhsili üzrə ixtisasların təsnifatı"nda göstərilən peşələrin yeni tədris plan və proqramları ilk peşə-ixtisas təhsili müəssisəsində hazırlansın, müəssisənin pedaqoji şurasında müzakirə edilsin, Təhsil Problemləri İnstitutunun İlkin Peşə Təhsilinin İnkişaf Mərkəzi və  Texniki peşə təhsili şöbəsi ilə razılaşdırıldıqdan sonra direktor tərəfindən təsdiq olunsun.

2. Texniki peşə təhsili şöbəsi (N.Məmmədov) və Təhsil Problemləri İnstitutu (A.Mehrabov) yeni tədris plan və proqramlarının hazırlanmasında və tətbiq olunmasında ilk peşə-ixtisas təhsili müəssisələrinə metodiki kömək göstərsinlər.

3. İctimaiyyətlə əlaqə şöbəsi (B.Hüseynzadə) əmrin "Azərbaycan müəllimi" qəzetində və "Sənətkar" jurnalında dərc olunmasını təmin etsin.

4. Əmrin icrasına nəzarəti öz üzərimə götürürəm. 

Misir MƏRDANOV,
Azərbaycan Respublikasının təhsil naziri
24 sentyabr 2012-ci il