Naxçıvan Müəllimlər İnstitutunda "Mənəviyyat" adlı diskussiya klubu yaradılıb. Bu klubun yaradılmasında məqsəd tələbələrin mədəniyyət tariximizə olan marağını artırmaq, şifahi nitq və dünyagörüşlərini inkişaf etdirmək, gəncləri düşündürən bir sıra məsələlərin həlli yollarını müzakirə etməkdən ibarətdir. Ali təhsil ocağında bu günədək "Təhsildə sosial psixoloji xidmət", "Telepatiya", "Yuxu", "Yaşlı və gənc nəsli düşündürən məsələlər" və sair mövzularda diskussiyalar təşkil edilib.

Məlumat üçün qeyd edək ki, diskussiyalar maraqlı mövzuları ilə iştirakçıları düşündürməyə, öyrətməyə davam edir. Belə ki, bu günlərdə "Məktəbəqədər yaş dövründə təlim xarakterli işlər" adlı diskussiya təşkil edilmişdir. Həmin diskussiyada  peşəkar psixoloq və pedaqoqlar iştirak etmiş, tələbələri maraqlandıran suallar cavablandırılmışdır. 

Naxçıvan Müəllimlər
İnstitutunun Mətbuat xidməti