|
 |
| |
|
Təhsil Nazirliyi nəzdində fəaliyyət göstərən
idman məktəblərindən I Avropa Oyunlarında
iştirak edəcək idmançılar
 KƏRİM BAĞMAN OĞLU MUSAYEV
1987-ci ildə Füzuli rayonunda anadan olub.
2005-ci ildə Bakı şəhər 260 nömrəli tam orta
məktəbi bitirib. 1999-cu ildən idmanın badminton
növü ilə məşğul olur. Məşqçisi Cavanşir
Əlizadədir. 2007-2012-ci illərdə Azərbaycan
Dövlət Bədən Tərbiyəsi və İdman Akademiyasında
təhsil alıb. Hazırda Bakı şəhər 7 nömrəli İOEUG
Tennis İdman Məktəbində məşqçi-müəllim işləyir.
2010-cu ildə idman ustası adına layiq görülüb.
Dəfələrlə badminton üzrə Bakı və Azərbaycan
çempionu olub. 2013-cü ildə İndoneziyada
keçirilən III İslam Həmrəyliyi Oyunlarında
komanda hesabında IV yerə layiq görülüb. |
|
|
 HACI AZƏR OĞLU ƏLİYEV
1991-ci ildə Naxçıvanda anadan olub. 2002-ci
ildən Abşeron Rayon Uşaq-Gənclər İdman
Məktəbinin sərbəst güləş bölməsində məşğul olur.
Məşqçisi Azərbaycan Respublikasının əməkdar
məşqçisi Elman Əzimzadədir. 2014-cü ildə
Azərbaycan Dövlət Bədən Tərbiyəsi və İdman
Akademiyasını bitirib. 2010-cu ildə idman ustası
normativini yerinə yetirib. 2015-ci ildə
"Əməkdar idman ustası" fəxri adına layiq görülüb.
2012-ci ildə sərbəst güləş üzrə Dünya Kubokunun
qalibi olub. 2013-cü ildə Tələbələrin Ümumdünya
Universiadasında III yeri tutaraq bürünc medal
alıb. 2014-cü ildə Finlandiyada keçirilən Avropa
çempionatının qızıl medalçısıdır. Həmin il 8-9
sentyabr tarixlərində Özbəkistanın paytaxtı
Daşkənd şəhərində keçirilən dünya çempionatında
da I yeri tutaraq qızıl medal alıb. |
|
|
 ABDULLA İLQAR OĞLU HƏSƏNOV
1997-ci il yanvarın 8-də Sumqayıt şəhərində
anadan olub. 2014-cü ildə Sumqayıt şəhər 13
nömrəli tam orta məktəbi bitirib. 2009-cu ildən
Bakı şəhər 8 nömrəli İxtisaslaşdırılmış Olimpiya
Ehtiyatları Uşaq-Gənclər İdman Məktəbində
idmanın qılıncoynatma növü ilə məşğul olur.
Məşqçisi Həcibal Əhmədovdur.
Azərbaycan və Bakı çempionudur. 2010-cu ildə
Türkiyənin Antalya şəhərində keçirilən
beynəlxalq yarışda II yeri, 2011-ci ildə Bursa
şəhərində keçirilən beynəlxalq turnirdə III yeri
tutub. 2011-2014-cü illərdə keçirilmiş Dünya
Kuboku, dünya, Avropa çempionatlarında iştirak
edib. 2014-cü ildə Gürcüstanda keçirilən Avropa
Kubokunda və beynəlxalq turnirdə III yerə
çıxıb. |
|
|
 CAVANŞİR CAHANGİR OĞLU SƏFƏROV
1997-ci il yanvarın 27-də Moskva şəhərində
anadan olub. 2012-ci ildə Bakı şəhəri 189
nömrəli tam orta məktəbin 9-cu sinfini bitirib.
Hazırda Bakı Qida Sənayesi Kollecində 3-cü
kursda oxuyur. 2004-cü ildən Bakı şəhər 8
nömrəli İxtisaslaşdırılmış Olimpiya Ehtiyatları
Uşaq-Gənclər İdman Məktəbində idmanın
qılıncoynatma növü ilə məşğul olur. Məşqçisi
Cahangir Səfərovdur.
2012-ci ildə Azərbaycan çempionu olub, 2013-cü
ildə İranda keçirilən Dünya Kubokunda II,
2014-cü ildə Azərbaycan çempionatında III yerə
çıxıb. 2014-cü il sentyabrın 23-də Gürcüstanda
beynəlxalq turnirdə I yeri tutub. |
|
|
 ORXAN ZAKİR OĞLU QƏLƏNDƏROV
1988-ci il iyulun 11-də Gürcüstan
Respublikasının Marneuli şəhərində anadan olub.
2013-cü ildə Azərbaycan Dövlət Bədən Tərbiyəsi
və İdman Akademiyasını bitirib.
2001-ci ildən idmanın badminton növü ilə məşğul
olur, idman ustasıdır. Dəfələrlə Azərbaycan
çempionu olub. 2008-2012-ci illərdə böyüklər
arasında Azərbaycan birinciliyində qalib gəlib.
2008-ci ildə İran İslam Respublikasında
keçirilən beynəlxalq turnirdə bürünc medal alıb.
Hazırda Bakı şəhər 2 nömrəli İxtisaslaşdırılmış
Olimpiya Ehtiyatları Uşaq-Gənclər İdman
Məktəbində məşqçi-müəllim işləyir. |
|
|
 BİLURƏ ELŞƏN QIZI EMİNOVA
1986-cı il avqustun 6-da Sumqayıt şəhərində
anadan olub. Azərbaycan Dövlət Bədən Tərbiyəsi
və İdman Akademiyasını bitirib. 1995-ci ildən
idmanın stolüstü tennis növü ilə məşğuldur. Bu
idman növü üzrə ustalığa "Təhsil" Respublika
İdman Mərkəzinin Sumqayıt filialında yiyələnib.
2003-cü ildə idman ustası adı alıb.
Dəfələrlə Sumqayıt, Bakı, respublika çempionu
olub. Beynəlxalq yarışlarda iştirak edəcək
mükafatçılar sırasında yer alıb.
2004-cü ildən yetirməsi olduğu "Təhsil"
Respublika İdman Mərkəzinin Sumqayıt filialında
məşqçi-müəllim işləyir. |
