|
Doktoranturaya qəbul və dissertanturaya təhkimolunma
Azərbaycan Respublikasının Nazirlər Kabinetinin 2010-cu
il 01 iyul tarixli, 129 nömrəli qərarı ilə təsdiq
edilmiş "Doktoranturaların yaradılması və
doktoranturaya qəbul Qaydaları"na uyğun olaraq həyata
keçirilir.
1. Doktorantura və dissertanturaya ali təhsili olan (ali
təhsil pilləsinin magistratura səviyyəsini bitirən,
yaxud təhsili ona bərabər tutulan) Azərbaycan
Respublikasının vətəndaşları qəbul edilirlər.
2. Doktorantura və dissertanturaya qəbul üçün aşağıdakı
sənədlər təqdim edilir:
- ərizə (institut
direktorunun adına);
- kadrların
şəxsi qeydiyyat vərəqəsi;
-
tərcümeyi-hal;
- iş yerindən
xasiyyətnamə (işləyənlər üçün);
- 3 ədəd foto
şəkil (3x4 ölçüdə);
- əmək
kitabçasından çıxarış (iş stajı olanlar üçün);
- çap olunmuş
elmi işlərin siyahısı (forma 2.4) və ya seçilmiş
ixtisas üzrə referat;
- ali təhsil
müəssisəsini bitirmək haqqında diplom və diploma
əlavənin müvafiq (notarial) qaydada təsdiq edilmiş
surəti (xarici ölkələrdə təhsil almış Azərbaycan
Respublikası və xarici ölkə vətəndaşları üçün
təhsil haqqında sənədlərin tanınması barədə
şəhadətnamə);
- şəxsiyyəti
təsdiq edən sənəd şəxsən təqdim edilir, surəti isə digər
sənədlərə əlavə olunur.
Doktoranturaya fəlsəfə doktoru proqramı üzrə qəbul
olunmaq istəyənlər ixtisas fənnindən, xarici dildən və
fəlsəfədən ali təhsil pilləsinin magistratura səviyyəsi
üçün qüvvədə olan tədris proqramları həcmində qəbul
imtahanları verirlər.
Dissertanturaya təhkim olunmaq istəyənlərlə müsahibə
keçirilir.
Dissertant kimi təhkim olunmaq istəyən şəxslər, bir
qayda olaraq, elmi və elmi-pedaqoji iş stajına malik
olmalıdırlar.
Elmlər doktoru proqramı üzrə doktoranturaya seçdikləri
sahədə elmi və ya elmi-pedaqoji nailiyyəti olan,
fundamental tədqiqatları yüksək səviyyədə aparmağa qadir
və "Fəlsəfə doktoru" və ya "Elmlər namizədi" elmi (alimlik)
dərəcəsi olan və buna uyğun diplomun müvafiq qaydada
təsdiq edilmiş surətini təqdim edən Azərbaycan
Respublikasının vətəndaşları qəbul olunur. Həmin
şəxslərlə müsahibə keçirilir.
Doktoranturaya sənədlərin qəbulu 2015-ci il noyabr
ayının 7-dək, qəbul imtahanları və müsahibə 2015-ci il
noyabr ayının 10-dan dekabr ayının 10-dək
keçiriləcəkdir.
Sənədlər Azərbaycan Respublikasının Təhsil Problemləri
İnstitutunun I korpusunda (Bakı şəhəri, Zərifə Əliyeva
küçəsi, 96) elmi-pedaqoji kadr hazırlığı şöbəsində (I
mərtəbə, otaq
№ 7) hər gün (şənbə, bazar və
bayram günləri istisna olmaqla) səhər saat 10.00-dan
axşam saat 17.00-dək qəbul olunur.
Daha ətraflı məlumat almaq istəyənlər (012) 493-82-71;
(012) 493-96-21 nömrəli telefonlara zəng etməklə əldə
edə bilərlər.
DİREKTORLUQ |
