|
Ucar Rayon Təhsil Şöbəsinin aparıcı
məsləhətçisi Yeganə Süleymanova bildirib ki, Qazyan
kənd 2 nömrəli tam orta məktəbdə keçirilən Səməd
bəy Mehmandarovun xatirəsinə həsr olunmuş tədbir
maraqlı və yaddaqalan olub. Tədbirdə Səməd bəy
Mehmandarovun həyat və fəaliyyəti şagird və müəllimlərin
ifasında səhnələrlə, maraqlı slaydlarla, marş
musiqisilə tərənnüm olunub.
Bildirilib ki, Səməd bəy Mehmandarov Azərbaycan
xalqının hərb tarixinə unudulmaz səhifələr yazıb.
Çıxış edənlər Prezident İlham Əliyevə general-leytenant
Səməd bəy Mehmandarovun yubileyinin keçirilməsi və
xatirəsinin əbədiləşdirilməsi ilə bağlı verdiyi
sərəncama görə minnətdarlıqlarını bildiriblər. |
