|
BDU Tələbə Həmkarlar İttifaqının təşkilatçılığı
ilə keçirilən “Hisslərini rənglərlə ifadə et” rəsm
müsabiqəsinin qalibləri mükafatlandırılıb. Onlara diplom
və pul mükafatları təqdim olunub.
Mükafatlandırma tədbirində BDU THİK-nin sədri
Daşqın Qənbərov bildirib ki, bu tip tədbirlər yaradıcı
tələbələrin cəmiyyətə təqdim olunmasında, onlar arasında
sağlam rəqabətin yaradılmasında, mövcud bacarıqlarının
inkişafında mühüm əhəmiyyət kəsb edir.
Məlumat üçün bildirək ki, sərgidə 20-dən artıq
gənc rəssamın 60-dan çox əsəri yer alıb. Müsabiqə
xarakterli sərgidə biologiya fakültəsinin II kurs
tələbəsi Natavan Həsənova “Bella paysage” adlı əsəri ilə
I yerə, coğrafiya fakültəsinin I kurs tələbəsi Leyla
Ələkbərova “Humanity” adlı əsəri ilə II yerə, biologiya
fakültəsinin III kurs tələbəsi Xariqə Cabbarlı
“Dostluğun sərhədi yoxdur” adlı əsəri ilə III yerə
layiq görülüblər.
BDU THİK İctimai Əlaqələr
Departamenti |
