Təhsil Nazirliyi ilk dəfə olaraq ölkədəki rayon və şəhər təhsil şöbələri işçilərinin məlumat bazasını hazırlayır.

Nazirliyin Təhsilin idarə olunmasının məlumat sistemləri şöbəsinin müdiri İsmayıl Sadıqov AzərTAc-a bildirmişdir ki, hazırda təhsil şöbələri bazasının yaradılması üçün məlumatlar toplanılır. Sentyabr ayınadək bütün məlumatların bazaya daxil edilməsi nəzərdə tutulmuşdur.

Məlumat bazası respublikanın bütün regionlarını əhatə edəcəkdir. Bazanın yaradılması rayon və şəhər təhsil şöbələri haqqında məlumatların əldə edilməsini asanlaşdıracaq, vaxt itkisini aradan qaldıracaqdır.