Məktəblərin infrastrukturunun yeniləşdirilməsi sahəsində Heydər Əliyev Fondunun təşəbbüsü ilə 300-ə yaxın yeni məktəb, uşaq bağçası, uşaq evi, internat məktəbi binası tikilib istifadəyə verilmiş, əsaslı təmir və bərpa olunmuş, müasir avadanlıqla təchiz edilmişdir.

Məktəb tikintisi sahəsində həyata keçirilən proqramlar nəticəsində 2 növbəli məktəblərin faizi 73,3-dən 44,5-ə, ikinci növbədə təhsil alan şagirdlərin faizi isə 34-dən 21-ə enmişdir.

Yeni ümumtəhsil məktəblərinin tikintisi, mövcud məktəblər üçün əlavə korpusların inşası, istilik sistemlərinin bərpası nəticəsində ölkə üzrə bütün şagirdlərin 75 faizinin təlim şəraiti yaxşılaşmışdır. Bundan başqa, 708 məktəb və 10 rayon təhsil şöbəsi müasir avadanlıqla təchiz edilmişdir. Cari ildə də 25 yeni məktəbin inşası başa çatdırılacaq, 1 məktəb üçün əlavə tədris korpusu tikiləcək, 4 məktəb isə əsaslı təmir olunacaqdır.