"Oriqami" Uşaq və Yeniyetmələr İctimai birliyinin iyunun 3-dən Dünya Bankı Qrupunun maliyyə dəstəyi ilə Suraxanı rayonu 5, 19, 268, 312, 313 nömrəli bağçalarında həyata keçirdiyi "Yol hərəkəti qaydalarını öyrənirik" layihəsi 548 uşağı əhatə etmişdir. Uşaqlarla 2 ay ərzində 35 praktik məşğələ keçirilmişdir. Bu məşğələlər zamanı uşaqlara yol hərəkəti qaydalarına düzgün əməl etmək, tanımaq və onlara aid bilikləri əyləncəli oyun və tapşırıqlar formasında aşılanmış və öyrədilmişdir.

Layihə iştirakçıları praktik məşğələlər zamanı qurulmuş səhnəciklərdə "piyada", "sərnişin", "yol polisi", "taksi", "avtomobil", "tramvay", "trolleybus" rollarını ifa edərək yol hərəkəti qaydaları barəsində aldıqları bilikləri daha da möhkəmləndirmişlər.

İyulun 27-dən başlayaraq 1 həftə ərzində layihənin son mərhələsinin icrası həyata keçirilir. Suraxanı rayonu 5, 19, 268, 312, 313 nömrəli bağçalarda "Oriqami" QHT tərəfindən təşkil olunmuş son məşğələlərdə uşaqlar əyləncəli oyun və tapşırıqlar zamanı yol hərəkəti haqqında aldıqları bilik və bacarıqları nümayiş etdirirlər. Yekun məşğələnin sonunda uşaqlara layihə çərçivəsində döş nişanları, təsvirli torbalar və oyuncaq nəqliyyat vasitələri paylanacaq.

Bundan əlavə, hər bir bağçanın sərəncamına, layihə çərçivəsində, bir ədəd uşaqların istifadəsi üçün kiçik maşınlar, motosiklet və velosipedlər hədiyyə ediləcək.