Bakıdakı 45 nömrəli orta məktəbdə dərsin təkmilləşdirilməsi ilə əlaqədar aparılan metodiki işlərə geniş yer verilir. Məktəbin direktoru Nazilə Məmmədovanın bildirdiyinə görə, bu, dərsin təkmilləşdirilməsinə, proqram materiallarının şagirdlər tərəfindən dərindən mənimsənilməsinə kömək etməklə bərabər, həm də müəllimlərin vaxtaşırı fikir mübadiləsi aparmasına şərait yaradır.

Məktəbdə ayrı-ayrı fənlər üzrə metodbirləşmə sədrləri tərəfindən "açıq dərs"lərin təşkili və keçirilməsi mühüm əhəmiyyət kəsb edir.

Həmçinin metodbirləşmə iclaslarında qabaqcıl müəllimlərin çıxışları, məktəbdə seminar və konfransların keçirilməsi və göstərilən metodiki köməkliklər təzə işə başlayan gənc müəllimlər üçün daha faydalı olur.

Şakir CƏFƏROV