Qəbələdə ümummilli lider Heydər Əliyevin anadan olmasının 87-ci ildönümünə həsr edilmiş müxtəlif müsabiqə və idman yarışları keçirilir. Rayonun ümumtəhsil məktəbləri arasında keçirilmiş inşa müsabiqəsində 52 məktəbin şagirdləri fəal iştirak etmişdir. Qəbələ RTŞ-da qaliblər müəyyənləşdirilmiş və mükafatlandırılmışdır. Qəbələ şəhər 3 nömrəli orta məktəbin X sinif şagirdi Aygül Şərifzadə Bakı şəhərində keçiriləcək müsabiqənin respublika turunda iştirak etmək hüququ qazanmışdır.

Tədbirlər planında müəllimlər arasında şahmat yarışının keçirilməsi də böyük marağa səbəb olmuşdur. Bu yarışın rayon turunda 56 nəfər təhsil işçisi mübarizə aparmışdır. Soltannuxa kənd orta məktəbinin müəllimi Fariz Quliyev I yer tutaraq respublika turuna vəsiqə əldə etmişdir.

Rayonda keçirilmiş futbol yarışında isə 48 məktəbin komandası iştirak edirdi. Mübarizədə Soltannuxa kənd futbol komandası qalib gələrək zona yarışına vəsiqə qazanmışdır.

Nizami MİRZƏ