2009-2010-cu tədris ilində Şamaxı rayonunun ümumtəhsil  məktəblərində təlim-tərbiyənin keyfiyyətinin yüksəldilməsi, şagirdlərin müxtəlif yarış və müsabiqələrdə iştirakını təmin etmək məqsədilə bir sıra tədbirlər həyata keçirilib.

Dərs ilinin müvafiq dövrü ərzində Şamaxı məktəblilərinin respublika üzrə keçirilən müxtəlif yarış və müsabiqələrdə iştirakı təmin olunub.

Bu yaxınlarda rayon Texniki Yaradıcılıq Mərkəzinin dərnək üzvü Vüsal Xəlilov uşaq və yeniyetmələrin elmi-texniki potensialının üzə çıxarılması, yaradıcılıqlarının inkişaf etdirilməsi məqsədilə keçirilən texniki yaradıcılığın "Avtomodel" növü üzrə İsmayıllı zona müsabiqəsində qalib gəlib.

Təhsil Nazirliyinin müvafiq əmrlərinə əsasən, rayonun VII-XI sinif şagirdləri arasında ümummilli lider Heydər Əliyevin anadan olmasının 87-ci ildönümünə həsr olunmuş "Heydər Əliyev və müstəqil Azərbaycan" və  "Erməni genosidi" mövzularında inşa yazı, rəsm müsabiqələri keçirilib. Qaliblər müəyyən edilərək respublika müsabiqəsinə təqdim edilmişlər.

Şagirdlərin hərbi-vətənpərvərlik tərbiyəsini gücləndirmək məqsədilə "Cəsurlar" və "Şahin" hərbi idman oyunları keçirilib.

Rayonda istedadlı şagirdlərin aşkar edilib üzə çıxarılmasında mühüm rol oynayan fənn olimpiadalarının I və II rayon turları keçirilərək 17 nəfər şagird respublika turuna vəsiqə qazanıb. 

Nizami MİRZƏ